Wuj Richin Bix Chire ri Dios 34:3 - Kaqchiquel Bible

³ Tinimirisaj ruq'ij ri Jehová junan wik'in yin. Xa jun k'a qabana' richin niqaya' ruq'ij.

Wuj Richin Bix Chire ri Dios 34:3 ပူးပေါင်းရင်းမြစ်များ

Wuj Richin Bix Chire ri Dios 69:30

Yin kan xtinnimirisaj ri abi' rik'in ri nubix; xtintzijoj ri awuchuq'a' rik'in matioxinik pa wánima.

San Lucas 1:46

Jari' k'a toq ri María xubij: Yin rik'in ronojel wánima ninnimirisaj ruq'ij ri ajaw.

Wuj Richin Bix Chire ri Dios 40:16

Jak'a ri yekanon awichin, kan kekikot y kenimaq'ijun awik'in rat. Y konojel ri yematioxin roma ri kolotajik kan jantape' xtikinimirisaj ri abi'.

Wuj Richin Bix Chire ri Dios 66:8

Chi'iwonojel k'a rix winaqi' tinimirisaj rubi' ri Dios. Kan tak'axex k'a ri ich'abel richin ri ibix.

Wuj Richin Bix Chire ri Dios 35:27

Jak'a ri nikajo' chi yin yich'akon ta, kan kebixan y kekikot; tikibij chi rat Jehová ruk'amon ninimirisex aq'ij, roma nawajo' chi ri asamajela' nik'oje' uxlanen kik'in.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

1 Crón 29:20

Y xeri', ri rey David xch'on kik'in ri winaqi' y xubij: Wakami ja rix xkixya'on ruq'ij-ruk'ojlen ri Jehová ri qa-Dios, y ri ki-Dios ri qati't-qamama', xcha'. K'ari' ri winaqi' kexukuk xeqaqa-qa pan ulew richin xkiya' ruq'ij ri Dios y ri rey.

Hechos 19:17

Re xbanatej xetamex k'a koma konojel. Kan xetamex k'a koma ri judío y ri man e judío ta ri ek'o chupan ri tinamit Éfeso. Rije' kan janila k'a xibinri'il xpe chike roma ri xbanatej. Y ri ajaw Jesús xuk'ul k'a ruq'ij-ruk'ojlen.

Filipenses 1:20

Kan nurayibel wi k'a chi ninya' ruq'ij ri Cristo, nik'oje' ta wuchuq'a' richin nik'is ri rusamaj y man ta yik'ixbitej roma man nink'is ta y rik'in ri' ninya' ruq'ij ri Cristo, rik'in ri nuk'aslen o rik'in ri nukamik.

1 Crón 16:10

Kan tiqanimirisaj-qi' roma ri nimalej rubanobal rija'. Kan tikikot k'a ri qánima ri yojkanon richin ri Jehová.

Wuj Richin Bix Chire ri Dios 69:33

Ri Jehová kan yerak'axaj ri man jun k'o kik'in, y kan man yerixowaj ta ri ek'o pa ximonri'il.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.