Wuj Richin Bix Chire ri Dios 34:16 - Kaqchiquel Bible

¹⁶ Ri Jehová kan nuteq k'a pe ri royowal pa kiwi' ri man utz ta nikiben. Rija' xtuben chi konojel winaqi' xkekimestaj re winaqi' re'.

Wuj Richin Bix Chire ri Dios 34:16 ပူးပေါင်းရင်းမြစ်များ

Wuj Richin Etamabel-Tzij 10:7

Ri natabel kichin ri winaqi' choj kik'aslen, kan rik'in kikoten yenatex; jak'a ri winaqi' ri xa itzel kik'aslen, xa man yenatex ta chik.

Wuj Richin ri Jeremías 44:11

Roma ri' kere' ninbij yin Jehová k'iytisanel richin ronojel: Re wakami, yin ninben chi ninteq-pe ri ruk'ayewal pan iwi' y xkixink'is rix aj-Judá.

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Wuj Richin ri Achin Job 18:17

Ri wineq ri' kan jumul man xtinatex ta chik chuwech chijun re ruwach'ulew, y ri rubi' kan jumul xtimestex.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Am 9:4

Wi xke'uk'uex-el pa ximonri'il koma ri e etzelanel kichin, xtinben chi xkekamisex rik'in espada. Xtinben ronojel re' roma xinch'ob yan chi xtinya' ruk'ayewal pa kiwi'. y man xtinya' ta urtisanik pa kiwi'. xcha' ri Dios.

Wuj Richin ri Molojri'il 8:10

Chuqa' xintz'et chi k'o winaqi' ri janila e itzel, ri xa man jun bey xkiben ri utz, jak'a toq xeken kan jebel kimuqik xban. Jak'a ri kan choj kik'aslen xek'ase', xa chi'anin xemestex y man ninatex ta chik ri utzilej kibanobal. Re' xa man niq'ax ta chiqawech.

Wuj Richin Bix Chire ri Dios 10:16

¡Jehová, ja rat at qa-rey richin q'asen! ri man yatkitzeqelibej ta, xa xkek'is jumul.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Achin Job 36:7

Kan beneq k'a ruwech yeruchajij ri winaqi' ri choj kik'aslen, kan yeruya-q'anej k'a kik'in ri rey ri ek'o pa taq kitz'uyubal, y kan jantape' k'a nunimirisaj kiq'ij.

Wuj Richin Bix Chire ri Dios 18:7

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

Wuj Richin Bix Chire ri Dios 33:18

Jak'a ri Jehová kan yeruchajij ri k'o rukiy ri Dios chikiwech. Yeruchajij ri nikikuquba' kik'u'x rik'in ri rajowabal ri man k'isel ta.

Wuj Richin Bix Chire ri Dios 94:9

Ri xbanon ri ak'axabel, ¿kan man nak'ex ta kami rija'? Ri xbanon ri wachaj, ¿kan man nitzu'un ta kami rija'?

Wuj Richin Etamabel-Tzij 15:29

Ri Jehová man yeruk'ul ta ri winaqi' ri e banoy richin ri etzelal; jak'a ri ruch'owen ri wineq ri choj ruk'aslen, kan nrak'axaj k'a.