Wuj Richin Bix Chire ri Dios 33:7 - Kaqchiquel Bible

⁷ Ja rija' xmolon ruchi' ri ya' richin xuya' pa taq kik'ojelibal. Xumol ruchi' ri ya' richin xuya' pa taq yakbel-ya'.

Wuj Richin Bix Chire ri Dios 33:7 ပူးပေါင်းရင်းမြစ်များ

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

Ex 15:8

Xa rik'in ok ri kaq'iq' ri nel pan atza'n, xumol-ri' ri ya'. Ri ya' ri janila nisilon, xuben achi'el tz'aq ri pa taq ruxikin ri ruxe-qa ri ya' kan chi'anin k'a xkowir.

Wuj Richin ri Josúe 3:13

Y toq ri e sacerdote ri e uk'uayon ri káxa richin ri Jehová ri rajaw chijun ri ruwach'ulew xkepa'e' chupan ri raqen-ya', ri ya' ri' kan xtich'aratej, roma ri ya' ri xulan-pe kan xtipa'e' y xtumol-ri', xcha'.

Wuj Richin ri Habacuc 3:15

Xabiyin k'a pa ruwi' ri palou, achi'el xa ta at ch'okol-el chirij jun kiej.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin Etamabel-Tzij 8:29

Yin kan ink'o chik k'a toq ri Dios nuya' kan rubeyal pa ruwi' ri palou, y ri ya' ri' kan man tikirel ta k'a chi nuq'ej ri rupixa' ri Dios; kan ink'o-wi k'a toq ri Dios xutik kan ri ruxe' re ruwach'ulew.

Wuj Richin ri Achin Job 26:10

Ja rija' xbanon ri ruwi' ri palou ri kan choj-choj nitzu'un, jari' ri nik'atzin richin retal toq nitzaq ri q'ij y nok ri aq'a'.

Wuj Richin Bix Chire ri Dios 78:13

Ri Dios kan xuch'er k'a ri palou y xeruq'axaj chupan. Xuq'et k'a ri ya', y kan achi'el tz'aq xuben chire.