Wuj Richin Bix Chire ri Dios 33:6 - Kaqchiquel Bible

⁶ Rik'in ri ruch'abel ri Jehová xbanatej ri kaj. Xeruben k'a konojel ri xmotza' xaxe rik'in ri ruxla'.

Wuj Richin Bix Chire ri Dios 33:6 ပူးပေါင်းရင်းမြစ်များ

Hebreos 11:3

Y roj chuqa' roma ri kuqubabel-k'u'x, niq'ax chiqawech chi kan ja wi ri Dios ri xbanon ronojel ri k'o, xaxe rik'in ri ruch'abel. Keri' ronojel ri niqatz'et wakami xban rik'in ri xa man tz'etel ta.

2 Pedro 3:5

Rije' kan xtikiben k'a achi'el xa man ketaman ta ri xuben ri Dios ojer kan. Pa nabey ri Dios kan xubij-wi chi tik'oje' ri kaj. Rik'in ri ruch'abel xucher ri ruwach'ulew chire ri ojer taq ya' y keri' xrelesaj-pe ri ruwach'ulew chupan ri ya'.

Wuj Richin ri Achin Job 33:4

Ri Espíritu richin ri Dios jari' ri xbanon wichin yin; ri Dios ri k'o ronojel uchuq'a' pa ruq'a', xuxupuj k'aslen wik'in yin.

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

Wuj Richin ri Rutikeribel 2:1

Kere' k'a toq xk'achoj kibanik ri kaj y ri ruwach'ulew y ronojel ri ek'o chila' chikaj y ronojel ri k'o chuwech re ruwach'ulew.

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

San Juan 20:22

Toq rubin chik k'a qa ri ch'abel ri', xeruxupuj y xubij chike: Kan tik'ulu' k'a ri Loq'olej Espíritu.

Wuj Richin ri Rutikeribel 1:6

K'ari' xubij ri Dios: Tik'oje' rukojol ri ya' richin nuch'er-ri' pa ka'i'.

Wuj Richin ri Achin Job 26:13

Rik'in ri ruxla' xuxupuj ruwech ri kaj y kan xuben k'a chire chi jebel ok xtzu'un kan, rija' kan rik'in ri ruq'a' xukamisaj ri kumetz ri man nuya' ta ri' richin nichap roma nubak'ak'ela-ri'.

Wuj Richin ri Rutikeribel 6:7

Y xubij k'a rija': Xkenmes k'a el chuwech re ruwach'ulew ri winaqi' ri xenben y chuqa' ronojel kiwech chikopi' ri ek'o chuwech re ruwach'ulew y ri aj-xik' taq chikopi'; roma kan janila niq'axon ri wánima achike roma xenben, xcha'.

Romanos 1:25

Rije' man nikajo' ta nikak'axaj ri qitzij chirij ri Dios, xa yekitzeqelibej ri man e qitzij ta. Man nikiya' ta ruq'ij, ni man nikisamajij ta ri Dios. Xa ja ri e rubanon rija', xa jari' ri nikiya' kiq'ij y yekisamajij, stape' kan ja ri Dios ri nik'atzin chi ninimirisex rubi' richin jantape'. Kan keri' ta k'a.

Wuj Richin Bix Chire ri Dios 104:30

Rat naya' k'a pe ri uxla' richin k'aslen, y ek'o ch'aqa' chik yetz'ukutej-q'anej. Keri' kan k'ak'a' naben chire ri ruwech ri ruwach'ulew.

Wuj Richin ri Rutikeribel 1:1

Ri pa rutikeribel, ri Dios xuben ri kaj y ri ruwach'ulew.

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Wuj Richin ri Jeremías 8:2

Y ri baq ri' xketorix kan chuwech ri q'ij, ri ik' y ri ch'umila' ri kan janila xekajo' rije', xekisamajij, xekitzeqelibej, xekik'ulubej y xekiya' kiq'ij. Y ri baq ri' kan man jun k'a xtisik'on-el kichin richin xkemuq. Xkek'oje' kan chiri' pan ulew achi'el ri pamaj.

Wuj Richin ri Jeremías 10:16

Ja rat ri xabanon ronojel ri k'o chuwech re ruwach'ulew. Y ja rat ri at qa-Dios, ri oj rijatzul kan ri Jacob. Ja rat xacha'on qichin richin xojok atinamit. Y ri abi' rat Jehová k'iytisanel richin ronojel, xicha' chire ri Dios.