Wuj Richin Bix Chire ri Dios 33:16 - Kaqchiquel Bible

¹⁶ Ri rey man ronojel ta mul yech'akon, stape' ek'o e k'iy aj-labal kik'in. Jun aj-labal man nich'akon ta xa roma janila ruchuq'a'.

Wuj Richin Bix Chire ri Dios 33:16 ပူးပေါင်းရင်းမြစ်များ

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

2 Crón 20:23

Ri aj-Amón y ri aj-Moab xekikamisala' ri muenita y kan xekik'is k'a; y toq xetane' chikij rije', xa kan chi kachibil-ki' xkikamisala-qa ki'.

Wuj Kichin ri To'onela' 7:2

Ri Jehová xubij chire ri Gedeón: Ri winaqi' ri ek'o awik'in janila e k'iy richin yenjech ri aj-Madián pan aq'a', man xa roma ri' kiyon rije' xtikiya-qa kiq'ij y nikibij-qa chi roma ri kuchuq'a' rije' xech'akon.

Ex 14:28

Toq ri ya' ri' xutz'apej-ri', kan xqaqa-wi pa kiwi' ri carruaje, ri kiej y pa kiwi' ri aj-labal ri e richin ri rey ri xe'ok-apo chikij ri israelita chupan ri Kaqa-Palou y kan man jun k'a chike rije' ri xkolotej ta kan.

2 Crón 32:21

Y ri Jehová xuteq-pe jun ángel richin xeruk'is konojel ri aj-labal aj-Asiria ri ek'o chiri'; chuqa' xek'is konojel ri aj-raqen y ri achi'a' ri k'o más kiq'ij. Chirij re' ri Senaquerib xtzolin pa rutinamit rik'in janila k'ix. Y k'o k'a jun q'ij, xapon pa rachoch ri ru-dios, y kan chiri' k'a xkamisex-wi kan chi espada koma ri ralk'ual.

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

1 Sam 17:4

Y k'o k'a jun achin ri kan richin labal ri xel-pe ri akuchi ek'o-wi-qa ri aj-Filistea. Rija' rubini'an Goliat aj pa tinamit Gat, y ri rupalen jubama oxi' metro.

Wuj Richin ri Josúe 14:12

Taya' k'a chuwe re chuwi' taq juyu' re' achi'el xubij kan ri Jehová chupan ri q'ij ri'. Rat kan xawak'axaj chupan ri q'ij ri', chi ri nima'q kipalen achi'a' ri e rijatzul kan ri Anac ek'o chiri' y kan k'a ek'o na chiri' chupan ri nima'q taq tinamit ri e sutin-kij rik'in tz'aq; rik'in ri ruto'onik ri Jehová xkenwelesaj-pe achi'el rubin rija', xcha' ri Caleb.

1 Rey 20:10

Y ri Ben-hadad xuteq chik rubixik chire ri rey Acab: Yin xkenk'en k'a pe janila chi achi'a' richin chi nikiwulaj ri atinamit; y kan man jun chik k'a xtik'oje' kan, ni poqolaj richin ta chi nikimoq'ej-el ri achi'a' ri'. Wi yin man xtinben ta keri', ri nu-dios xa kan xtikiya' k'a ruk'ayewal pa nuwi' yin y pa ruwi' ri nutinamit achi'el ri xinwajo' xinben chiwe rix, xcha-el chike.

Wuj Kichin ri To'onela' 7:4

Ri Jehová xubij chik chire ri Gedeón: Kan k'a e k'iy na ri xek'oje' kan awik'in; wakami ke'ak'uaj-el konojel chuchi' ri raqen-ya' y chiri' xkentejtobej-wi; y ri xtinbij chawe yin richin yebe awik'in, kan jari' xkebe awik'in; y ri xtinbij chawe yin, richin man yebe ta awik'in, kan xketzolej k'a kan, xcha'.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

1 Rey 20:15

Y keri', ri rey Acab xerumol ri to'onela' kichin ri tata'al, y ri kajlabal ek'o k'a e 232 konojel. K'ari' xerumol konojel ri aj-labal, y ri kajlabal ek'o k'a e 7,000 konojel.

2 Crón 13:8

Y rix wakami niwajo' nipaba-iwi' chuwech ri ruq'atbal-tzij ri Jehová, ri ruya'on kan chike ri e rijatzul kan ri rey David. Rix nich'ob keri' roma kan ix k'iy, y ek'o iwik'in ri nima-alaji' achija' taq wákix ri e banon rik'in q'anapueq ri xeruben ri Jeroboam richin niya' kiq'ij ri i-dios.

Wuj Richin ri Achin Job 36:7

Kan beneq k'a ruwech yeruchajij ri winaqi' ri choj kik'aslen, kan yeruya-q'anej k'a kik'in ri rey ri ek'o pa taq kitz'uyubal, y kan jantape' k'a nunimirisaj kiq'ij.

Wuj Richin ri Achin Job 39:11

¿Kan nakuquba' kami ak'u'x rik'in ri chikop ri', roma janila ruchuq'a'? ¿Kan nakuquba' kami ak'u'x rik'in richin nuben ri asamaj más k'ayew?

Wuj Richin Bix Chire ri Dios 20:8

Rije' xa nik'is ri kuchuq'a' y yetzaq, jak'a roj kan jantape' oj pa'el.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin ri Jeremías 48:14

Man tibij rix aj-Moab chi maneq xibinri'il chiwech y ix aj-labal ri kan k'o janila iwuchuq'a',

Os 10:13

Jak'a rix xa kan ja ri etzelal ri itikon-qa. Kan man jun ruchojmilal ri niwachij, kere' nik'uluwachij roma xa xikuquba' ik'u'x kik'in carruaje richin labal y kik'in ri janila chi aj-labal.

Am 2:14

Stape' janila ye'anin man xkekolotej ta kan chuwech ri ruk'ayewal. Ri k'o janila ruchuq'a' xa man xtik'oje' ta chik uchuq'a' rik'in. Y ri más utz chikikojol ri aj-labal man xtitikir ta xtukol-ri'.

Am 2:15

Ri aj-ch'ab man xtikoch'on ta; ri achin ri janila nanin man xtitikir ta xtukol-el-ri'; y ri achi'a' ri yech'oke' chirij kiej man xketikir ta xke'animej.