Wuj Richin Bix Chire ri Dios 33:1 - Kaqchiquel Bible

¹ Kixkikot k'a rik'in ri Jehová rix ri choj ik'aslen. Ri kibix ri kan e tz'aqet chuwech ri Dios kan jebel-wi.

Wuj Richin Bix Chire ri Dios 33:1 ပူးပေါင်းရင်းမြစ်များ

Wuj Richin Bix Chire ri Dios 32:11

Kan kenimaq'ijun y kekikot rik'in ri Jehová, ri kikuquban kik'u'x rik'in. Kebixan rik'in kikoten konojel ri choj kibanobal chuwech ri Dios.

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Wuj Richin Bix Chire ri Dios 147:1

Tinimirisaj ruq'ij ri Jehová, roma kan utz wi chi niya'ox ri bix chire ri qa-Dios. Kan jebel y kan ki' toq niya'ox ruq'ij rija'.

Wuj Richin Bix Chire ri Dios 118:15

Ri pa taq kachoch ri choj kik'aslen nak'axatej ch'abel richin kikoten y kolotajik. Y rije' nikibij: Ri Jehová kan nuben k'a meyel taq banobel.

Wuj Richin Bix Chire ri Dios 97:12

Kan kekikot k'a rik'in ri Jehová ri choj kik'aslen, y kan tikiya' ruq'ij ri Jehová roma ri nima'q taq samaj ri e rubanalon.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

Wuj Richin Bix Chire ri Dios 135:3

Tinimirisaj ruq'ij ri Jehová, roma rija' kan janila utz. Tiyala' k'a bix chire ri rubi', roma rija' kan janila jebel,

Romanos 3:10

Keri' chuqa' nubij ri ruch'abel ri Dios,*f6* ri tz'ibatel kan: Kan man jun ri choj ta ruk'aslen, kan man jun wi ri keri'.

Romanos 5:19

Roma ri Adán man xunimaj ta rutzij ri Dios, roma ri' qonojel roj winaqi' xojok aj-maki'. Jak'a roma ri Jesucristo kan xunimaj-wi rutzij ri Dios, roma ri' janila oj k'iy ri niban chiqe chi man jun qamak yojk'ulun chuwech ri Dios.