Wuj Richin Bix Chire ri Dios 32:9 - Kaqchiquel Bible

⁹ Jak'a man taben achi'el ri kiej y ri kowilej-kiej, ri kan man jun niq'ax chikiwech. Re chikopi' re' k'o chi niya'ox ch'ich' pa kichi' richin yeq'at. Y wi man niban ta keri' chike, kan man xkejel ta kik'in ri winaqi'.

Wuj Richin Bix Chire ri Dios 32:9 ပူးပေါင်းရင်းမြစ်များ

Wuj Richin Etamabel-Tzij 26:3

Ri niq'aton richin ri kiej ja ri ch'ayibel richin, keri' chuqa' ri bur, ja ri ch'ich' ri niya'ox pa ruchi', jari' ri niq'aton richin, y chire ri wineq ri xa maneq runa'oj, ja ri xik'a'y ri nukusex richin nich'ay, jari' ri nipaban richin.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin ri Achin Job 35:11

Ri Dios nitikir chuqa' nuya' más etamabel chire ri wineq, ke chuwech ri ruya'on chike ri chikopi' ri yebiyaj pa ruwi' ulew, y ri aj-xik' taq chikopi'.

Santiago 3:3

Kan achi'el k'a nibanatej kik'in ri kiej toq niya'ox ch'ich' pa kichi' richin yeq'at. Roma xaxe rik'in ri ch'ich' ri', ri kiej nikinimaj tzij, y nikik'uaj ri kajaw akuchi nikajo' yebe-wi.

Wuj Richin ri Jeremías 31:18

Yin kan wak'axan k'a ri koq'ej ri winaqi' israelita toq xkibij: Roj ri pa nabey kan man oj choj ta, achi'el k'a jun nima-alaj achij wákix ri man choj ta nisamej. Jak'a rat kan xaben chiqe richin choj xojsamej. Tabana' k'a chiqe richin yojtzolin pa qaruwach'ulew, roma ja rat Jehová ri at qa-Dios.

Wuj Richin ri Achin Job 30:11

Y wakami toq ri Dios xrelesaj ri wuchuq'a' y kan xuqasaj ri nuq'ij jumul, kan man jun chik ri yitikir ninben, y roma ri' re winaqi' re', kan achi'el e solkopitajineq-pe chuwij y kichapon nikiben etzelal chuwe.

Wuj Richin ri Achin Job 41:13

Y kan man jun k'a wineq ri nitikir ta nich'olo ri pimilej y kowilej rutz'umal ri k'o chirij, kan man jun ri nitikir ta nijel-apo rik'in richin chi nuya' ri rubosal.