Wuj Richin Bix Chire ri Dios 32:6 - Kaqchiquel Bible

⁶ Roma ri', ri kan e awichin, xkech'on awik'in toq ek'o pa tijoj-poqonal. Wi keri' xtikiben, ri tijoj-poqonal man xtapon ta kik'in, achi'el jun raqen-ya' ri ninimer-pe y nel-pe pa ruk'ojelibal.

Wuj Richin Bix Chire ri Dios 32:6 ပူးပေါင်းရင်းမြစ်များ

Wuj Richin ri Isaías 55:6

Kinikanoj k'a yin rokik k'a yiniwil na, kan kiniwoyoj rokik naqaj ink'o-wi chiwe.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

2 Corintios 6:2

Y chirij k'a ri' nich'on-wi ri Dios toq nubij:*f2* Kan pa ruq'ijul k'a xink'uluba-pe ri ich'owen, y chupan ri q'ij richin kolotajik, kan xixinto', nicha'. Y jare' k'o chik ri ruq'ijul richin ri utzil ri'; ja q'ij re' richin ri kolotajik.

San Juan 7:34

Rix xkinikanoj, jak'a man xkiniwil ta chik, roma ri akuchi xkibek'oje-wi yin, man xkixtikir ta xkixapon chinukanoxik, xcha' ri Jesús.

Wuj Richin Etamabel-Tzij 1:28

Y jari' toq rix kan xkiniwoyoj richin yixinto', jak'a yin man xkiniman ta chiwe; k'ari' toq rix xkinikanola' y xa man xkiniwil ta chik.

Wuj Richin Bix Chire ri Dios 4:3

Tiwetamaj k'a chi ri Jehová e rucha'on ri choj kik'aslen chuwech rija'. Roma ri' kan xtrak'axaj toq yin xkich'on rik'in.

Wuj Richin Bix Chire ri Dios 144:7

Kan k'a chila' chikaj tayaka' ri aq'a' pa nuwi'; kinakolo', y kinawelesaj chupan re jun achi'el palou re'. Kinawelesaj chikiwech ri man e nuwinaq ta.

Wuj Richin Bix Chire ri Dios 42:7

Nak'axatej k'a ri ya' ri nichoxin-pe y nik'oxoman chupan ri nimalej taq siwan, ri janila chi ya' ri nateq-pe rat Jehová, kan xik'o pa nuwi' yin.

Wuj Richin Bix Chire ri Dios 40:3

Rija' xuk'ut jun k'ak'a' bix chinuwech, jun bix richin ninya' ruq'ij rija'. Re' kan xtikitz'et k'a e k'iy, y xtikixibij-ki', y kan xtikikuquba' kik'u'x rik'in ri Jehová.

Tito 2:12

Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

2 Corintios 1:4

Y ja rija' ri nibanon chiqe roj chi niqakuquba' qak'u'x toq yojk'oje' pa tijoj-poqonal, richin chi toq roj yeqatz'et chi ek'o qach'alal pa tijoj-poqonal, kan yojtikir k'a yeqato', achi'el nuben ri Dios qik'in roj.

Wuj Richin ri Isaías 49:8

Kere' k'a ninbij yin Jehová: Kan pa taq ruq'ijul xtink'uluba-pe ri ich'owen, y chupan ri q'ij richin kolotajik, kan xkixinto'. Kan xkixinchajij; iwoma rix xtinyek chik el jun bey ri ruwach'ulew, y xtiwichinaj kan ri ulew ri e malin kan.

1 Timoteo 1:16

Jak'a ri Jesucristo xujoyowaj nuwech richin nuk'ut chikiwech ri winaqi' chi janila rukoch'onik, richin nuk'ut chikiwech ri xtikikuquba' kik'u'x rik'in, chi xabachike ta rubanik ri kimak, xkerukuy richin nikil ri k'aslen ri man k'isel ta.

Wuj Richin Bix Chire ri Dios 91:7

Stape' chiqanaqaj yekamisex ta e 1,000 winaqi', y ek'o ta chik e 10,000 ri yekamisex kan pa qijkiq'a', jak'a roj kan man jun k'a xtiqak'uluwachij.