Wuj Richin Bix Chire ri Dios 32:5 - Kaqchiquel Bible

⁵ Jari' toq xinq'alajirisaj k'a ri numak chawech, y kan man xinwewaj ta ri wetzelal. Yin xinch'ob chi ninq'alajirisaj ri numak chawech. Jari' toq rat Jehová xakuy k'a ri numak y xawelesaj chuwij ri xinwejqalej.

Wuj Richin Bix Chire ri Dios 32:5 ပူးပေါင်းရင်းမြစ်များ

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

2 Sam 12:9

¿Achike roma man xaya' ta rejqalen ri nuch'abel, y xa xaben itzel chinuwech? Xakamisaj k'a chi espada ri Urías ri heteo, y kan xok-qa awixjayil ri rixjayil rija'. Roma xakamisaj ri Urías rik'in ri ki-espada ri amonita,

2 Sam 24:10

Jak'a toq ri David xuben yan re tz'iban bi'aj re', k'ari' xuna' chi xmakun, y xubij k'a chire ri Jehová: Yin kan janila ximakun chawech roma xinben re jun tz'iban bi'aj re'. Wakami k'a, nink'utuj utzil chawe chi takuyu' numak, roma yin kan xinben re' roma maneq nuna'oj, xcha'.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

1 Rey 8:50

Kan xtakuy k'a kimak ri atinamit, ri kan xeyakatej chawij rik'in ri itzel taq kibanobal ri xkiben chawech. Y chuqa' xtaben chike ri xe'uk'uan-el kichin richin xtikijoyowaj kiwech ri atinamit.

2 Crón 6:29

y wi k'o ta jun ri nutz'et ri nima-ruk'ayewal y nuna' ri q'axo'n pa ránima y xtuyek ta ri ruq'a' y xtitzu'un pa ruchojmilal ri awachoch richin nich'on awik'in o nuk'utuj chawe;

Wuj Richin ri Esdras 10:11

Wakami k'a, tik'utuj kuyubel imak chuwech ri Jehová ri qa-Dios ri chuqa' ki-Dios ri qati't-qamama'. Tibana' k'a ri nrajo' rija', y kan tich'ara' k'a iwi' kik'in ri winaqi' ri kichin ch'aqa' chik ruwach'ulew, y kik'in ri ixoqi' ri man e qawinaq ta, xcha'.

Wuj Richin ri Achin Job 31:33

Yin kan man jun bey nubanon ta chi wewan numak, achi'el nikiben ch'aqa' chik achi'a', chi wewan ta pa wánima ri itzel taq nubanobal.

Wuj Richin ri Achin Job 33:27

K'ari' rija' xtapon kik'in ri ch'aqa' chik winaqi' y xtubij chike: Yin kan man pa ruchojmilal ta xinben, xa xinyoj rubanik ri choj, jak'a ri Dios man xuya' ta ruk'ayewal pa nuwi', achi'el ri ruk'amon.

Wuj Richin Bix Chire ri Dios 103:12

Ri qamak kan nej k'a xrelesaj-el chiqe roj. Kan achi'el k'a ri nej rukojol ri relebel-q'ij rik'in ri qajbel-q'ij.

Wuj Richin Bix Chire ri Dios 103:3

Ja rija' ri nikuyun ronojel ri qamak. Ja rija' ri nik'achojirisan ronojel ri qaq'axo'n.

Wuj Richin Bix Chire ri Dios 25:16

Jehová, kinatzu-pe y tajoyowaj nuwech, roma xa kan nuyon ink'o, y kan ink'o pa q'axo'n.

Wuj Richin Bix Chire ri Dios 25:18

Tatzu' ri nuq'axo'n y re ruk'ayewal re ninq'axaj, y takuyu' ronojel ri numak.

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Wuj Richin Bix Chire ri Dios 38:18

Roma ri' kan nintzijoj chawe ri numak, xkibison k'a roma ri man utz ta xinben chawech.

Wuj Richin Bix Chire ri Dios 38:19

Ri e etzelanel wichin kan e janila e k'iy, y kan janila k'a kuchuq'a'. Kan janila k'a e k'iy ri ye'etzelan wichin, y xa man jun nubanon chike.

Wuj Richin Bix Chire ri Dios 51:6

Rat kan niqa' k'a chawech ri wineq ri kan ch'ajch'oj ri ránima. Roma ri' kinatijoj achike rubanik yibiyin rik'in na'oj.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Wuj Richin Etamabel-Tzij 30:20

Keri' nibanatej rik'in ri ixoq k'ulan, ri nik'oje' kik'in achi'a'; chuwech rija', xa achi'el toq niwa', nusu' ri chi ruchi' y k'ari' nubij chi man jun itzel rubanon.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

Wuj Richin ri Jeremías 2:23

¿Achi'el toq nibij chi man ix tz'ilobitajineq ta, ni man jun bey xitzeqelibej ch'aqa' chik dios? Toqaqa chi'ik'u'x ri ibanobal ri xiben chiri' pa taq'aj kojol juyu'.*f2* Toqaqa k'a jebel chi'ik'u'x ri achike ri e ibanalon. Rix xa kan xitzeqelibej achi'el nuben jun ixoq camello ri nibujuj richin nukanoj jun achij y xabakuchi nibe-wi.

Wuj Richin ri Jeremías 2:35

jak'a rix nibij chi man jun imak ibanon. Y rix nich'ob chi yin man woyowal ta chik chiwe. Roma nibij chi man ix makuwineq ta, roma ri' wakami, yin xtinq'et-tzij pan iwi'.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin ri Chojmirisabelri'il 5:5

Toq k'o jun wineq ri xuben keri' kan ja rija' ri nejqalen ri rumak, y k'o chi nuk'utuj kuyubel rumak.

Wuj Richin ri Malaquías 3:8

Rix man ruk'amon ta richin yiniq'ol, jak'a rix kan xiben. Rix nik'utuj achike ri iweleq'an wik'in. Yin ninbij chiwe chi ibanon eleq' chuwe, roma xa man iya'on ta ri jun chire lajuj, ni ri ch'aqa' chik sipanik.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

San Lucas 7:47

Roma ri' ninbij chawe rat, Simón, chi re ixoq re' xkuyutej ri janila rumak. Roma ri' janila nrajo' ri xkuyu ri rumak. Jak'a ri xa man k'iy ta ri rumak ri xekuyutej, xa man kan ta nrajo' ri xkuyu ri rumak, xcha'.

Efesios 4:32

Xa kan xaxe ri utz tibanala' chiwachibil-iwi'. Kixajowan y kixkuyun, kan achi'el xuben ri Dios chi xukuy qamak roj roma ri Cristo.

Wuj Richin ri Josúe 7:19

Jari' toq ri Josué xubij chire ri Acán: Kan chuwech k'a ri Jehová ri qa-Dios tabij ri qitzij, y tabij chuwe wakami achike ri xaben. Man k'a tawewaj chinuwech, xcha'.