Wuj Richin Bix Chire ri Dios 32:10 - Kaqchiquel Bible

¹⁰ Ri e banoy etzelal kan janila q'axo'n k'o kik'in, jak'a ri kikuquban kik'u'x rik'in ri Jehová e nojineq rik'in ri rujoyowanik rija'.

Wuj Richin Bix Chire ri Dios 32:10 ပူးပေါင်းရင်းမြစ်များ

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Wuj Richin Bix Chire ri Dios 140:11

Ri winaqi' e tz'ukuy tzij kan man ta k'a xkejike' chuwech re ruwach'ulew. Ri etzelal, jari' ta ri xtitzeqeliben kichin ri kamisanela'.

Wuj Richin Bix Chire ri Dios 146:5

Jebel ruwa-ruq'ij ri wineq, ri kan ja ri qa-Dios roj israelita ri nito'on richin, ri kan nukuquba' ruk'u'x rik'in ri Jehová ri qa-Dios.

Wuj Richin Bix Chire ri Dios 147:11

Ri Jehová nikikot kik'in ri winaqi' ri k'o rukiy chikiwech, kik'in ri koyoben ri rutzil rija'.

Wuj Richin Bix Chire ri Dios 16:4

Jak'a ri yetzeqeliben ch'aqa' chik dios, kan xtipe k'a nim ruk'ayewal pa kiwi'. Yin kan man xtinyoj ta wi' kik'in toq rije' yekamela'an rik'in kik' chuwech ri ki-dios, ni ri kibi' kan man jun bey k'a xtinnataj.

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 34:8

Titejtobej y titz'eta' chi kan utz-wi ri Jehová. Jebel ruwa-ruq'ij ri wineq ri nukuquba' ruk'u'x rik'in.

Wuj Richin Bix Chire ri Dios 40:4

Jebel ruwa-ruq'ij ri wineq ri nukuquba' ruk'u'x awik'in rat Jehová, y man nukuquba' ta ruk'u'x kik'in winaqi' ri kinimirisan-ki', ni man nutzeqelibej ta ch'aqa' chik dios.

Wuj Richin Bix Chire ri Dios 5:12

Roma rat Jehová, nawurtisaj ri choj ruk'aslen, ri awutzil nusutij-rij achi'el jun tobel.

Wuj Richin Bix Chire ri Dios 84:12

Jehová k'iytisanel richin ronojel, jebel ruwa-kiq'ij ri winaqi' ri kikuquban kik'u'x awik'in.

Wuj Richin Etamabel-Tzij 13:21

Ri winaqi' e aj-maki' kan maneq k'a juba' uxlanen ri nikil pa ruq'a' ri etzelal; jak'a ri winaqi' ri kan choj ri kik'aslen, kan k'o k'a utz ri nikil pa kik'aslen.

Wuj Richin Etamabel-Tzij 16:20

Ri wineq ri kan nuch'ob rij jebel ri achike ri nuben, kan nibe-wi pa jotol; jak'a ri wineq ri kan nroyobej ruto'onik ri Jehová, kan nril-wi urtisanik.

Wuj Richin ri Molojri'il 8:12

Ri aj-mak kan pa wok'al k'a ch'a'oj ri yerubanala' y kan k'a nik'ase' na chubanik más. Man rik'in ri' yin kan yitikir ninbij chi ri k'o rukiy ri Dios chikiwech, kan kikoten xkek'ase-el, y xa kan k'o yan ri nikik'ul-el re wawe' roma kan k'o rukiy ri Dios chikiwech.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

Wuj Richin ri Isaías 57:21

Roma ri' ri nu-Dios nubij chi ri winaqi' ri man nikitzeqelibej ta rija', kan maneq uxlanibel-k'u'x kik'in.

1 Timoteo 6:10

Roma, ri ruxe' ronojel ruwech etzelal ja ri nibe awánima chirij ri méro. Y kan ek'o k'a qach'alal ri xkiya' kan ri Dios roma xbe kan kánima chirij ri méro, y ri' xa k'o q'axo'n xuk'en-pe chike.