Wuj Richin Bix Chire ri Dios 31:9 - Kaqchiquel Bible

⁹ Jehová, tabana' utzil tajoyowaj nuwech, roma kan ink'o pa nimalej bis. Man yitikir ta chik yitzu'un roma oq'ej; ri wánima y ri nuch'akul kan maneq chik kuchuq'a' roma ri q'axo'n.

Wuj Richin Bix Chire ri Dios 31:9 ပူးပေါင်းရင်းမြစ်များ

Wuj Richin Bix Chire ri Dios 6:7

Kan man yitikir ta chik yitzu'un, roma ri e etzelanel wichin kan nikiben chuwe richin janila yinoq'.

Wuj Richin Bix Chire ri Dios 88:9

Ri runaq'-nuwech kan xeq'equmatej yan k'a roma ri q'axo'n. Kan ronojel k'a q'ij at woyon, nimalej Jehová; kan chawech k'a rat nuyakon-q'anej ri nuq'a' richin yich'on awik'in.

Wuj Richin Bix Chire ri Dios 73:26

Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin ri K'uxla'anik 5:17

Roma ronojel re' kan nimayamo-qa ri qánima. Xq'equmatej yan qawech,

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Wuj Richin Bix Chire ri Dios 107:10

Ek'o chik ch'aqa' winaqi' ri ek'o pa q'equ'm; e ximon rik'in cadena y nikitej janila poqon.

Wuj Richin Bix Chire ri Dios 73:14

Roma xa kan jantape' ninwil q'axo'n, kan ronojel k'a q'ij nink'ul ruk'ayewal.

Wuj Richin Bix Chire ri Dios 66:14

Ronojel ri xinsuj toq xik'oje' pa q'axo'n, kan jari' ri xtinya-apo chawe.

Wuj Richin Bix Chire ri Dios 44:25

Roma ri qánima kan ruqasan-ri' jumul. Chijun ri qach'akul kan k'a pan ulew qajineq-wi.

Wuj Richin ri Achin Job 17:7

Ri runaq' taq nuwech xa e q'equmatajineq chik roma ri q'axo'n, y ri nuch'akul xa xbaqir yan qa.

2 Sam 22:20

Jak'a ri Jehová xikolon y xiruya' ri akuchi kan janila jebel. Roma kan janila yirajo' xirelesaj chupan ri ruk'ayewal.

Wuj Richin Bix Chire ri Dios 18:20

Ri Jehová xuya' k'a ri ch'akonik chuwe yin. Roma ri ruch'ajch'ojil ri wánima, xuya' chuwe ri ruk'amon.

Wuj Richin Bix Chire ri Dios 18:37

Yin kan xentzeqelibej ri e etzelanel wichin y kan xenq'i'. Man xitzolin ta, k'a xenkamisaj na kan konojel.