Wuj Richin Bix Chire ri Dios 31:5 - Kaqchiquel Bible

⁵ Pan aq'a' k'a rat ninjech-wi' richin yinachajij. Kinakolo' k'a roma rat at jun Dios ri man yinamalij ta kan.

Wuj Richin Bix Chire ri Dios 31:5 ပူးပေါင်းရင်းမြစ်များ

Wuj Richin ri Rutikeribel 48:16

y ri ru-ángel kan xirukol chuwech ronojel etzelal. Koma ta k'a re e ka'i' ak'ajol re', xtinatex ri nubi' yin, y xtinatex ta chuqa' ri rubi' ri ánima nata' Isaac y ri ánima numama' Abraham. Y kan ta xkewinaqir ri wijatzul, xcha' ri Jacob.

Wuj Richin Bix Chire ri Dios 130:8

Ja rija' xtikolon ri tinamit Israel chire ronojel ri rumak.

Wuj Richin Bix Chire ri Dios 71:23

Rik'in k'a kikoten xtinya' aq'ij. Chuqa' xkikikot roma xinakol.

Wuj Richin ri Isaías 50:2

¿Achike roma toq yin xinapon, man jun k'o? ¿Achike roma xixinwoyoj, jak'a man jun xch'on wik'in? ¿Maneq kami wuchuq'a' yin richin man yitikir ta yixinkol? ¿Xk'is kami wuchuq'a' yin richin man yixinto' ta? Re wakami xaxe rik'in ri nuch'olinik, xtinben richin nichaqi'j-qa ri palou, ri akuchi ek'o nimalej raqen taq ya', kan xke'ok tz'iran. Kan xkeken k'a ri ker ri ek'o chupan, y kan xkechuwir-pe.

Wuj Richin ri Chojmirisabelri'il 25:48

Wi ri ruk'ayin ri' k'o ta jun ruchaq' o jun runimal, rije' k'o kiq'a' richin nikikol.

San Lucas 23:46

Kan jari' toq ri Jesús rik'in k'a ruchuq'a' xubij: Nata' Dios, pan aq'a' k'a ninjech-wi ri wánima, xcha'. Y kan xaxe k'a xubij kere', kan jari' xken-qa.

Hechos 7:59

Y ri Esteban xch'on rik'in ri Dios toq chapon ruk'aqik chi abej, y nubij k'a: Wajaw Jesús, tak'ulu' k'a ri wánima.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

2 Timoteo 2:13

Jak'a stape' roj niqamalij kan, rija' man xqojrumalij ta kan, roma rija' kan keri'.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.