Wuj Richin Bix Chire ri Dios 31:3 - Kaqchiquel Bible

³ Kan awik'in k'a rat ninwewaj-wi-wi' y kan yikolotej. Roma ri nimalej abi', tak'utu' k'a chinuwech ri akuchi utz yibe-wi, y kinayuqej.

Wuj Richin Bix Chire ri Dios 31:3 ပူးပေါင်းရင်းမြစ်များ

Wuj Richin ri Nehemías 9:12

Y toq xebiyin pa tz'iran ruwach'ulew ri paq'ij xe'ayuqej rik'in ri sutz' pa'el chikaj, y ri chi'aq'a' re sutz' re' xe'asaqirisaj ri akuchi k'o chi xebe-wi.

Wuj Richin ri Nehemías 9:19

Rat kan janila xajoyowaj kiwech, y roma ri' man xe'amalij ta kan ri chiri' pa tz'iran ruwach'ulew. Ri rumujal ri sutz' man xeruya' ta kan chi paq'ij chi chaq'a' ri akuchi k'o chi xebe-wi.

Wuj Richin Bix Chire ri Dios 102:3

Ri q'ij richin ri nuk'aslen xa kan chi'anin k'a beneq achi'el nuben ri sib. Ri nubaqil kan achi'el k'a ri rutza'n si' ri k'atineq chik.

Wuj Richin Bix Chire ri Dios 116:2

Roma rija' kan xuya' ruxikin chire ri nuch'abel. Roma ri' kan ronojel k'a q'ij xkich'on rik'in.

Wuj Richin Bix Chire ri Dios 139:24

tatz'eta' wi xa k'o k'a etzelal chupan ri nuk'aslen yin. Kinak'uaj k'a chupan ri bey richin k'aslen ri nibe awik'in rat.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 25:11

Jehová, roma ri awajowabal tabana' utzil takuyu' ri numak, ri kan janila nim.

Wuj Richin Bix Chire ri Dios 25:5

Kinak'uaj y tak'utu' chinuwech ri qitzij, roma kan ja rat ri at nu-Dios ri yakolon wichin. Kan jantape' k'a nukuquban nuk'u'x awik'in.

Wuj Richin Bix Chire ri Dios 25:9

Kan ye'ayuqej k'a ri kiqasan-ki' chawech; kan nak'ut ri ruchojmilal chikiwech.

Wuj Richin Bix Chire ri Dios 43:3

Tataqa-pe ri asaqil y ri ach'abel, richin chi jare' xkinuk'uan akuchi atk'o-wi rat, pa ruwi' ri ajuyu'.

Wuj Richin Bix Chire ri Dios 71:3

Kinawewaj, achi'el xa ta ninwewaj-wi' chirij jun nimalej abej. Rat kan abin k'a chi kan yinakol, roma kan ja rat ri at nutobal yin.

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin ri Isaías 49:10

Kan man xkewayjan ta, ni man xtichaqi'j ta kichi'. Chuqa' ri q'ij y ri k'aten kan man jun xtuben chike. Roma yin yenwajo' rije', y roma ri' yin kan xkenyuqej chuchi' ri raqen taq ya'.

Wuj Richin ri Jeremías 14:7

Y ri winaqi' xkibij chire: Ri qabanobal nuq'alajirisaj ri qamak y k'iy mul kan man niqaben ta ri nabij rat. Kan oj makuwineq-wi chawech. Man rik'in ri', rat Jehová kan qojakolo' k'a roma ri ruruwaq'ijaj ri abi'.

San Lucas 1:79

Rija' nosaqirisaj kik'aslen ri ek'o pa q'equ'm y ri ek'o pa rumujal ri kamik. Xqojruyuqej k'a chupan ri bey richin uxlanen, xcha' ri Zacarías.

San Juan 16:13

Jak'a toq xtipe ri Loq'olej Espíritu, kan xkixrutijoj y xkixruyuqej chupan ri qitzij. Rija' kan man pa ruyonil ta k'a xtisamej, roma ri ch'abel k'a ri xtuyala' chiwe, kan jari' k'a ri e nubin-pe chire. Y roma ri' toq rija' xkeruq'alajirisaj yan k'a chiwech ri xkebanatej ri chiwech-apo.

Efesios 1:12

Pa nabey xojrucha' roj richin xqakuquba' qak'u'x rik'in ri Cristo, roma xrajo' chi qoma roj ninimirisex ri rubi' y nuk'ul ruq'ij-ruk'ojlen.

Wuj Richin ri Josúe 7:9

Roma ri aj-Canaán y konojel ri ek'o chuwech re ruwach'ulew xtikak'axaj re xbanatej; xtikisutij-qij, y kan xqojkik'is k'a jumul chuwech re ruwach'ulew. ¿Achike k'a xtaben wakami richin nanimirisaj ri utzilej atzijol?, xcha'.