Wuj Richin Bix Chire ri Dios 31:20 - Kaqchiquel Bible

²⁰ Kan ye'achajij k'a chuwech ri kich'obonik ri e banoy etzelal. Kan awik'in k'a rat nikito-ki' chire ri kiyoq'onik ri winaqi' ri'.

Wuj Richin Bix Chire ri Dios 31:20 ပူးပေါင်းရင်းမြစ်များ

Wuj Richin Bix Chire ri Dios 27:5

Toq yin xkik'oje' pa ruk'ayewal, rija' kan xkirewaj chupan ri rachoch. Kan xkirukuch jebel pan ewel chiri' y xkiruchajij, xtuben chuwe chi achi'el xa ta ink'o pa ruwi' jun nimalej abej y man jun nitikir niq'i'on wichin.

Wuj Richin Bix Chire ri Dios 32:7

Ja rat ri at nutobal. Kan xkinato' k'a chuwech ri bis. Kan xtaben k'a chuwe richin xkibixan roma kikoten.

Wuj Richin ri Achin Job 5:21

Rija' xtuya' jun atobal richin chi ri itzel nich'on chawij, man jun nuben chawe; y man xtaxibij ta awi' toq xkatapon chuwech jun wululen.

Wuj Richin Bix Chire ri Dios 140:5

Ri kinimirisan-ki' e kewalon kan pikbel pa nubey yin. Rije' kiya'on achi'el ya'l pa nubey. Nikajo' k'a nikiq'et chuwaqen; roma ri' e kiya'on kan re pikbel re'.

Wuj Richin Bix Chire ri Dios 140:3

Ri kaq' kan achi'el k'a ri raq' ri kumetz. Kan achi'el k'a ri ya' kamisanel richin ri kumetz, keri' rubanon ri pa kichi'.

Wuj Richin Bix Chire ri Dios 40:4

Jebel ruwa-ruq'ij ri wineq ri nukuquba' ruk'u'x awik'in rat Jehová, y man nukuquba' ta ruk'u'x kik'in winaqi' ri kinimirisan-ki', ni man nutzeqelibej ta ch'aqa' chik dios.

Wuj Richin Bix Chire ri Dios 10:2

Ri banoy etzelal rik'in nimirisanen rutzeqeliben ri k'o pa meba'il. Ri pikbel ri rubanon xa ja rija' ri xtitzaq chupan.

Ex 18:11

Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Santiago 4:6

Y kan janila rutzil nuya' pa qawi'. Achi'el nubij chupan ri ruch'abel ri tz'ibatel kan, chi ri Dios yeretzelaj y man nuk'en ta kiwech ri nikinimirisaj-ki'. Jak'a ri kiqasan-ki' rija' nuya' ri rutzil pa kiwi'.

1 Timoteo 6:4

ri wineq ri' kan niq'alajin chi janila runimirisan-ri', y xa man jun retaman. Xa yalan niqa' chuwech ri tzij ri man jun nikik'en-pe y jari' nibanon chire chi itzel nuna' chire jun chik roma utz k'o, xaxe oyowal nuben, nubila' itzel taq tzij chikij ch'aqa' chik, k'o itzel ch'obonik pa ránima chirij jun chik wineq.

Wuj Richin Bix Chire ri Dios 36:11

Man taya' q'ij chi yech'akon chuwij ri janila nikinimirisaj-ki', ni man yinkitzeqelibej ri e etzelanel wichin.

2 Corintios 12:20

Roma yin ninna' chi toq xkinapon ri chila' iwik'in, achi'el xa man ix beneq ta achi'el ri woyoben yin. Y ninna' chuqa' chi itzel xtina' chuwe roma man ninbenbana' ta chik iwik'in achi'el ri iwoyoben rix. Rik'in juba' xa ninbenwila' chi'ikojol rix oyowalen, ch'upun-k'u'x, ek'o ri janila ye'oyower, ich'aralon-iwi', k'o itzel taq tzij ye'ibila' chikij ch'aqa' chik, yixch'on chikij ch'aqa' chik, man jun kiq'ij niben chike ri ch'aqa' chik qach'alal, y ek'o chuqa' banobel ri ye'iben ri xa man jun rubeyal.

Romanos 13:13

Roj ojk'o chik chupan ri saqil y roma ri' k'o chi niqak'uaj jun k'aslen utz. Man ruk'amon ta chi yojq'aber, ni yojbe pa taq nima-wa'in akuchi ri winaqi' man nikiq'et ta ki'. Man ruk'amon ta chi ri achi'a' y ri ixoqi' nikikanola-ki' richin yemakun; man jun k'a ruwech etzelal re kere' tiqaben. Man tik'oje' oyowal ni ri ch'upun-k'u'x chiqakojol.

Wuj Richin Bix Chire ri Dios 124:5

Keri' xq'ax ta ri nimalej raqen-ya' pa qawi'.

Gálatas 5:20

nikiyala' kiq'ij dios ri xa man e qitzij ta; nikiben itz; ye'etzelan-ki'; yebanon oyowal; itzel nikina' chike ri ch'aqa' chik roma utz ek'o; chi'anin ye'oyower; nikajo' chi xaxe ta rije' k'o utz nikik'en kan chire ronojel; nikijachala-ki' roma ri kich'obonik; niqa' chikiwech ri tijonik ri xa man e qitzij ta;

Wuj Richin Bix Chire ri Dios 86:14

Ri winaqi' ri kan janila e nima'q nikina-ki' kan e yakatajineq k'a chuwij, ri e itzel taq winaqi' kan kiya'on k'a chikiwech chi yinkikamisaj; rije' kan man yatkik'ulubej ta rat chire ri nikiben.

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 36:6

Ri ruchojmilal ri naben rat, nilitej xabakuchi. Napon k'a pa ruwi' ri juyu' ri más e nima'q. Chuqa' napon-qa, k'a akuchi ri janila nim rupan ri ya'. Rat ye'achajij ri winaqi', y chuqa' ronojel kiwech taq chikopi'.

Wuj Richin Bix Chire ri Dios 36:8

Kan nikuqer k'a kik'u'x chire ri ruk'iyal ri kiway ri naya-pe. Rat naya' pa ruk'iyal ri nikiqum, kan achi'el jun raqen-ya' ri janila ruki'il.

Wuj Richin Bix Chire ri Dios 57:11

¡Nu-Dios yin, kan tinimirisex k'a aq'ij pa ruwi' ri kaj. kan chuwech k'a chijun ri ruwach'ulew, tiq'alajin ri ak'ojlemal!

Wuj Richin Bix Chire ri Dios 103:8

Ri Jehová kan joyowanel y koch'onel-wi. Kan man chi'anin ta nipe royowal, y kan janila nim ri rujoyowanik.

Wuj Richin Bix Chire ri Dios 103:11

Ri rajowabal rija' kan janila nim pa qawi' roj ri niqaqasaj-qi' chuwech. Ri kaj y ri ruwach'ulew man yetikir ta nikitemej ri nimalej rajowabal rija'.

Wuj Richin Bix Chire ri Dios 119:124

Taya' k'a ri ajoyowanik pa nuwi' yin ri in asamajel. Kan tak'utu' chinuwech ri apixa'.