Wuj Richin Bix Chire ri Dios 31:13 - Kaqchiquel Bible

¹³ Kan yentz'et k'a ri winaqi' yech'owiyaj pa taq kixikin y yexebexot chuwij. Nikimol k'a ki' richin nikajo' yinkikamisaj.

Wuj Richin Bix Chire ri Dios 31:13 ပူးပေါင်းရင်းမြစ်များ

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

San Mateo 27:1

Y toq xseqer-pe, konojel k'a ri aj-raqen pa kiwi' ri sacerdote y ri achi'a' ri kan k'o-wi kiq'ij, xkimol-ki' richin chi nikich'ob achike nikiben richin nikiteq ri Jesús pa kamik.

Wuj Richin ri K'uxla'anik 2:22

Xak'en k'a pe janila ruk'ayewal pa qawi', kan achi'el toq nikimol-ki' ri janila chi winaqi' pa jun nimaq'ij. Chupan ri q'ij richin ri awoyowal, kan man jun k'a xtikir xukol-ri' chawech. Ri etzelanel qichin kan xeruk'is k'a konojel winaqi' ri e nuk'iytisan-pe ri winaqi' ri nuya'on-pe tijonik chike, wakami xa xeken yan.

1 Sam 20:33

Jari' toq ri Saúl xuk'eq jun kum chirij ri ruk'ajol richin nukamisaj. Jari' toq ri Jonatán xq'ax chuwech chi ri rutata' kan nrajo-wi nukamisaj ri David.

San Lucas 23:5

Jak'a rije' man yetane' ta qa. Xa nikitej k'a kiq'ij chi nikibila-apo: Xa nusech kik'u'x ri winaqi' rik'in ri rutijonik pa ronojel tinamit richin re Judea. Kan k'a chila' pa Galilea ruchapon-pe. Y keri' nubanala' ri peteneq, y xoqaqa k'a wawe' pa Jerusalem, xecha-apo.

San Mateo 26:59

Ri aj-raqen kichin ri sacerdote, ri achi'a' ri kan k'o-wi kiq'ij, y konojel k'a ri achi'a' ri kan pa komon nikiq'et-tzij, nikikanola' k'a chi ek'o ta ri itzel taq banobel ri ye'ilitej chirij ri Jesús, richin keri' kan nikiteq pa kamik.

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.

Wuj Richin ri Jeremías 6:25

Man kixel-el richin yixbe pa juyu', ni man kixbiyaj pa taq bey, roma ri e etzelanel qichin kan kik'uan kikamisabal y kan k'o nimalej xibinri'il xabakuchi, yecha'.

Wuj Richin Bix Chire ri Dios 101:5

Yin kan xkenk'is k'a el ri winaqi' ri pan ewel yech'on itzel chikij ri kiwinaq. Man ninkoch' ta yentz'et ri winaqi' ri janila nikinimirisaj-ki'.

Wuj Richin Bix Chire ri Dios 57:4

Yin achi'el xa ta chikikojol koj ink'o-wi, Ink'o chikikojol winaqi' ri nikajo' yinkik'is. Ri key kan achi'el ri kum y kokoj taq ch'ab, y ri kaq' kan achi'el k'a jun espada ri ya-ya' rey.

Wuj Richin Bix Chire ri Dios 55:10

Ri etzelal kan chaq nisutiyaj k'a chirij ri tinamit chi paq'ij chi chaq'a'. Chupan ri tinamit kan xaxe k'a ri itzel taq banobel y ri itzel taq ch'obonik k'o.

1 Sam 24:9

Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

Wuj Richin ri Rutikeribel 40:23

Jak'a ri aj-raqen chike ri e ya'ol vino chire ri rey, man xunataj ta chik ri José, xa xumestaj chi k'o kan ri chiri' pa cárcel.