Wuj Richin Bix Chire ri Dios 31:12 - Kaqchiquel Bible

¹² Kan ximestex yan k'a; y kan xban chuwe chi kan in kamineq chik. Yin kan in achi'el chik k'a jun qumbel paxineq ri xa man nik'atzin ta chik.

Wuj Richin Bix Chire ri Dios 31:12 ပူးပေါင်းရင်းမြစ်များ

Wuj Richin ri Isaías 30:14

Xa kan xkixk'is achi'el nik'is jun xára ri kan nimulumu' jumul, y man nik'atzin ta chik richin niya' juba' racheq-q'aq' chupan, o richin niwelesaj juba' iya' chupan jun pozo, xcha' ri Dios.

Wuj Richin Bix Chire ri Dios 119:83

Stape' yin xa man jun chik yik'atzin-wi, xa in achi'el chik jun tz'um ri xaq-xaq chik rubanon roma yakel kan; jak'a xa kan man numestan ta ri apixa'.

Wuj Richin Bix Chire ri Dios 2:9

Rat xke'awulaj achi'el xa ta rik'in jun ch'ich', xkek'is achi'el toq nipax jun bojo'y, xcha' chire.

Apocalipsis 2:27

Kan achi'el ri rubanon-pe ri Nata' chuwe yin, ri kan rujachon-pe uchuq'a' pa nuq'a' pa kiwi' ri ruwach'ulew, keri' rije' xtikiq'et-tzij pa kiwi' ri ruwach'ulew rik'in ronojel uchuq'a', achi'el xa ta kan jun ch'ich' ri k'o pa kiq'a', richin man k'ayew ta yekipaxila', achi'el niban chike ri bojo'y.

Wuj Richin ri Achin Job 19:13

Ri Dios kan xuben k'a chike ri wach'alal chi xkich'er-el-ki' chuwe yin, y ri e etamayon nuwech chi achi'el xa man jun bey xqachibilaj-qi' kik'in.

Wuj Richin ri Achin Job 19:14

Konojel ri e ach'alalri'il wik'in xa xebe, y ri e etamayon nuwech jebel, xinkimestaj kan.

Wuj Richin Bix Chire ri Dios 38:12

Ri ye'ajowan nikelesaj nuk'aslen, kan nikiyala' k'a pikbel pa nubey. Ri ye'ajowan chi yin yik'oje' pa k'ayew kan itzel k'a yech'on chuwij. Kan chijun q'ij k'a nikich'obola' ri achike ta nikiben richin yinkitzeq.

Wuj Richin Bix Chire ri Dios 89:52

¡Kan nimalej k'a aq'ij rat Jehová, tibe-q'ij tibe-seq! Kan keri' wi, ja' kan keri'.