Wuj Richin Bix Chire ri Dios 30:5 - Kaqchiquel Bible

⁵ Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Wuj Richin Bix Chire ri Dios 30:5 ပူးပေါင်းရင်းမြစ်များ

2 Corintios 4:17

Roma ri tijoj-poqonal ri niqak'owisaj, xa ti juba' ok y xa q'axel. Jak'a re' kan nuben chiqe chi nik'oje' qaq'ij-qak'ojlen ri xa kan más wi nim y man jun bey xtik'is.

San Mateo 5:4

Jebel ruwa-kiq'ij ri ye'oq' wakami, roma rije' kan xtibekuqubex kik'u'x.

Wuj Richin ri Isaías 26:20

Rix nuwinaq kixbiyin k'a pa taq iwachoch, y kan titz'apej jebel ri ruchi' toq xkixok-apo. Tiwewaj juba' iwi' rokik nik'o-qa juba' royowal ri Dios.

Wuj Richin Bix Chire ri Dios 103:9

Rija' man jantape' ta yojruch'olij; ri royowal man nibe ta ruwech.

Wuj Richin Bix Chire ri Dios 16:11

Xtak'ut k'a chinuwech ri bey richin k'aslen. Awik'in rat kan k'o kikoten richin jantape'. Kan jebel k'a ri k'aslen awik'in rat

Wuj Richin Bix Chire ri Dios 63:3

Roma kan más jebel ri ajoyowanik rat ke chuwech ri k'aslen, kan xtinbixaj k'a ri abi' jantape'.

Wuj Richin Bix Chire ri Dios 59:16

Jak'a yin kan xtinbixaj ri awuchuq'a', kan ronojel nimaq'a' xtinnimirisaj ri abi' roma ri ajoyowanik pa nuwi'; roma kan awik'in rat ninto-wi-wi' chupan ri q'ij richin ruk'ayewal.

Wuj Richin Bix Chire ri Dios 46:5

Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Wuj Richin Bix Chire ri Dios 143:8

Tabana' chuwe chi ri pa taq nimaq'a' xtintz'et ta ri awajowabal, roma kan nukuquban nuk'u'x awik'in. Tak'utu' chinuwech ri bey ri akuchi k'o chi yibe-wi, roma awik'in rat yich'on-wi.

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Wuj Richin ri Rutikeribel 32:24

Keri' ri Jacob xk'oje' k'a kan ruyon. Y k'o k'a jun achin ri xkichuq-ki' rik'in, k'a xseqer na pe.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Wuj Richin Bix Chire ri Dios 47:7

Roma kan ja rija' ri rey richin chijun ruwach'ulew. Kan jebel k'a kixbixan richin niya' ruq'ij rija'.

Wuj Richin Bix Chire ri Dios 97:12

Kan kekikot k'a rik'in ri Jehová ri choj kik'aslen, y kan tikiya' ruq'ij ri Jehová roma ri nima'q taq samaj ri e rubanalon.

Wuj Richin Bix Chire ri Dios 145:10

Jehová, ronojel ri samaj ri e abanon, kan tikiya' k'a aq'ij. Konojel ri e awalk'ual rat, kan tikinimirisaj k'a aq'ij.

Wuj Richin ri Isaías 12:1

Chupan k'a ri q'ij ri' rix nuwinaq xtibij: Xtiqabixaj k'a abi' rat Jehová. Stape' xpe awoyowal chiqe, jak'a re wakami xa xq'ax yan, y maneq chik janila q'axo'n qik'in.