Wuj Richin Bix Chire ri Dios 30:2 - Kaqchiquel Bible

² Jehová nu-Dios yin, xink'utuj to'onik chawe y kan xinak'achojirisaj.

Wuj Richin Bix Chire ri Dios 30:2 ပူးပေါင်းရင်းမြစ်များ

Wuj Richin ri Rutikeribel 20:17

Roma ri' ri Jehová kan xuben k'a chike konojel ixoqi' ri ek'o chiri' chi man xk'oje' ta chik kal, roma ri Abimélec xuk'en-qa ri Sara. Y k'a ja toq xch'on na ri Abraham rik'in ri Dios pa ruwi', k'ari' ri Abimélec y ri rixjayil xek'oje' chik kalk'ual y konojel ri rusamajela' e ixoqi' xek'oje' chik kal.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Wuj Richin Bix Chire ri Dios 118:18

Rija' kan xuben k'a chuwe richin xintej janila poqon, jak'a kan man xuya' ta q'ij richin xinapon pa kamik.

Wuj Richin Bix Chire ri Dios 145:1

Xtinnimirisaj k'a aq'ij, nu-Dios, nu-rey. Xtinya' aq'ij jantape', tibe-q'ij tibe-seq.

Wuj Richin Bix Chire ri Dios 147:3

Rija' yeraq'omaj ri niq'axon ri kánima, kan nupis k'a ri kisokotajik.

Wuj Richin Bix Chire ri Dios 35:24

Tabana' utzil taq'alajirisaj chi yin maneq numak. Tabana' richin man ta xkekikot chuwij.

Wuj Richin Bix Chire ri Dios 41:12

Ja k'a yin kan in ato'on roma ri ruchojmilal ri nuk'aslen. Xtaben k'a chuwe richin xkik'oje' chawech rat jantape'.

Wuj Richin Bix Chire ri Dios 51:8

Tabana' chuwe chi kan xkikikot chik. Kan ta k'a xkich'uch'u' chik chire ri q'axo'n ri aya'on chuwe.

Wuj Richin Bix Chire ri Dios 6:2

Tajoyowaj nuwech, Jehová, roma kan maneq chik wuchuq'a'. Kinawaq'omaj, roma ri nuq'axo'n napon k'a chupan ri nubaqil.

Wuj Richin Bix Chire ri Dios 88:13

Jak'a yin kan awik'in k'a rat nimalej Jehová in ch'owineq-wi, ronojel k'a nimaq'a' napon-q'anej ri nuch'owen chawech rat.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.