Wuj Richin Bix Chire ri Dios 29:4 - Kaqchiquel Bible

⁴ Ri ruch'abel ri Jehová kan rik'in uchuq'a' nipe. Ri ruch'abel ri Jehová kan k'o ruruwaq'ijaj.

Wuj Richin Bix Chire ri Dios 29:4 ပူးပေါင်းရင်းမြစ်များ

Ez 10:5

Ri kixik' ri querubín kan niq'ajan y kan nak'axatej k'a ri jun chik ruwa-jay. Y nawak'axaj chi kan achi'el ja ta ri Jehová nich'on-pe.

Wuj Richin Bix Chire ri Dios 68:33

tikinimirisaj ruq'ij ri nibiyajilan pa ruwi' ri kaj ri kan k'o-pe tibe-q'ij tibe-seq! Rija' xtuben chi kan xtak'axatej ri ruch'abel ri kan k'o uchuq'a' ruk'uan.

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

San Lucas 4:36

Ri winaqi' xkimey ri xuben ri Jesús, y nikibila' k'a chikiwech: ¿Achike k'a ruchuq'a' ri ruch'abel re achin re'? Roma kan rik'in q'atbel-tzij y uchuq'a' nich'on kik'in ri itzel taq espíritu y kan nikinimaj rutzij y ye'el-el, yecha'.

Wuj Richin ri Isaías 66:6

¿Niwak'axaj rix ri niq'ajan ri peteneq pa tinamit? ¿Niwak'axaj achi'el kich'abel winaqi' ri pa rachoch ri Dios? Jari' ri ruch'abel ri Jehová. Jare' noruya' rutojbalil-mak pa kiwi' ri e etzelanel richin.

San Lucas 8:25

K'ari' ri Jesús xubij chike ri rutijoxela': ¿Achike roma toq man xikuquba' ta ik'u'x wik'in?, xcha'. Jak'a rije' xa kixibin-ki'. Kan janila xkimey ri xbanatej, y nikik'utula' chikiwech: ¿Achike k'a chi achin re'? Roma kan nich'on chike ri kaq'iq' y ri ya', y kan nikinimaj rutzij, yecha'.

Wuj Richin Bix Chire ri Dios 68:34

Kan tiqaya' k'a rejqalen ri ruchuq'a' ri Dios, roma ja rija' niq'aton-tzij pa qawi' roj israelita. Y ri ruchuq'a' kan niqatz'et chuwech ri kaj.

Wuj Richin Bix Chire ri Dios 93:4

Jehová ri atk'o chila' chikaj ri kan k'o ronojel uchuq'a' pan aq'a'. Ri awuchuq'a' kan nik'o chuwech ri ruchuq'a' ri palou. Kan nik'o k'a chuwech ri ya' ri nibolqo't pa ruwi'.

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

Am 1:2

Ri Jehová nisik'in pa ruwi' ri juyu' Sión; kan nak'axatej-el k'a pa Jerusalem achi'el niq'ajan ri koqolajay. Ri soq'olbel kan nichaqi'j-qa; keri' chuqa' nichaqi'j-qa ri ruwi' ri juyu' Carmelo.