Wuj Richin Bix Chire ri Dios 28:7 - Kaqchiquel Bible

⁷ Rat Jehová yinato' y naya' wuchuq'a'. Yin ninkuquba' nuk'u'x awik'in, y roma ri' rat yinato'. Kan janila nikikot ri wánima, y roma ri' yibixan richin ninmatioxij chawe.

Wuj Richin Bix Chire ri Dios 28:7 ပူးပေါင်းရင်းမြစ်များ

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Efesios 6:10

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

Wuj Richin Bix Chire ri Dios 40:3

Rija' xuk'ut jun k'ak'a' bix chinuwech, jun bix richin ninya' ruq'ij rija'. Re' kan xtikitz'et k'a e k'iy, y xtikixibij-ki', y kan xtikikuquba' kik'u'x rik'in ri Jehová.

Wuj Richin Bix Chire ri Dios 13:5

Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

Wuj Richin Bix Chire ri Dios 28:8

Ja rat ri at uchuq'a' richin ri atinamit Israel. Chuqa' kan nakol ri rey ri acha'on rat.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Bix Chire ri Dios 69:30

Yin kan xtinnimirisaj ri abi' rik'in ri nubix; xtintzijoj ri awuchuq'a' rik'in matioxinik pa wánima.

Wuj Richin Bix Chire ri Dios 22:4

Ri qati't-qamama' kan xkikuquba' kik'u'x awik'in. Roma ri' kan xe'akol.

Wuj Richin Bix Chire ri Dios 91:4

Xqojrukuch k'a rik'in ri ruxik'. Chuxe' ri' kan kuqul qak'u'x xqojk'oje'. Rija' xqojruto' y man xqojrumalij ta kan.

Wuj Richin Bix Chire ri Dios 3:3

Jak'a rat Jehová at to'onel wichin yin; rat ri yabanon chuwe chi k'o ruwa-nuq'ij y naben chuwe richin chi yitikir ninyek-wi'.

Wuj Richin Bix Chire ri Dios 21:1

Jehová, ri rey kan janila nikikot rik'in ri ruchuq'a' ri xaya'; kan janila k'a nikikot rik'in ri ch'akonik ri xaya' chire.

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin Bix Chire ri Dios 33:21

Roma ri' rik'in k'a rija' xtikikot ri qánima, roma kan qakuquban qak'u'x rik'in rija'.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Wuj Richin Bix Chire ri Dios 19:14

Jehová kan ta k'a xtak'awomaj ri ch'abel ri ye'el pa nuchi' y ri ninch'ob pa wánima; xtapon ta chawech rat nimalej Jehová ri at nutobal y nukolonel yin.

Wuj Richin ri Isaías 45:24

Y xtikibij k'a chi xaxe wik'in yin k'o ruchojmilal y uchuq'a'. Konojel k'a xkepe chinuwech, y xkek'ixbitej k'a konojel ri xeyakatej chuwij.

Wuj Richin Bix Chire ri Dios 3:4

Rik'in ri nuch'abel xatinwoyoj rat Jehová, xak'uluba-pe ri nuch'abel, k'a akuchi atk'o-wi chupan ri awachoch ri k'o pa ruwi' ri juyu'.

Wuj Richin Bix Chire ri Dios 13:6

Kan xtinbixaj k'a ri abi' rat Jehová, roma ri awutzil kan janila nim pa nuwi' yin.

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.

Wuj Richin Bix Chire ri Dios 43:2

Nu-Dios yin, kan ja wi rat ri at nutobal. ¿Achike k'a roma in amalin kan? ¿Achike roma chaq xkibison roma ri q'axo'n ri nikiben chuwe ri e etzelanel wichin?

Wuj Richin Bix Chire ri Dios 46:2

Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.