Wuj Richin Bix Chire ri Dios 28:5 - Kaqchiquel Bible

⁵ Roma rije' kan man xkinimaj ta k'a ri atzij rat Jehová, roma ri' rat kan ke'ak'isa' k'a. Roma kan man nikinimaj ta k'a ronojel ri xaben rat, man taya' q'ij chi xkeyakatej chik q'anej.

Wuj Richin Bix Chire ri Dios 28:5 ပူးပေါင်းရင်းမြစ်များ

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

San Juan 12:37

Ri Jesús kan xerubanala-wi janila meyel taq banobel chikiwech ri winaqi'. Man rik'in ri' rije' man xkikuquba' ta kik'u'x rik'in.

Wuj Richin Bix Chire ri Dios 10:5

Man rik'in ri', ronojel ri nuben, utz nel chuwech. Chuwech rija' ri aq'atbel-tzij rat Jehová kan nej k'o-wi. Rija' kan nitze'en k'a chikij ri ye'etzelan richin.

2 Sam 7:13

Kan k'a ja rija' ri xtipaban-q'anej jun wachoch. Y pa ruq'a' rija' xtinjikiba-wi kan jumul ri q'atbel-tzij.

Romanos 1:20

Ri Dios man tz'etel ta. Jak'a ri ruwach'ulew y ri ch'aqa' chik ri xeruben, ri' e tz'etel, y jari' ri yeq'alajirisan ri Dios chikiwech. Kan pa rutikeribel-pe re ruwach'ulew kiq'alajirisan-pe chi k'o jun Dios y k'o ruchuq'a' ri man k'isel ta. Roma ri' ri winaqi' ri' kan man xketikir ta xtikibij chi rije' man ketaman ta chi k'o jun Dios.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Wuj Richin ri Jeremías 31:4

Kan xtinpaba' chik q'anej jun bey ri iruwach'ulew rix aj-Israel. Kan xtiq'ojomaj chik jun bey ri i-pandereta y xkixropilan rik'in kikoten.

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

Wuj Richin ri Isaías 45:12

Yin xinben re ruwach'ulew, y ja yin xibanon kichin konojel winaqi'. Kan ja ri nuq'a' yin xrik'on ri kaj; chuqa' kan ja yin xibin richin yek'oje' ri xmotza'.

Wuj Richin ri Isaías 45:8

Ri ruchojmilal kan ta chila' chikaj xtipe-wi, achi'el toq niqaqa-pe ri raxq'ab chila' chikaj. Y ri winaqi' kan xtikik'ul-q'anej, achi'el toq yebos-pe ri q'ayis toq k'o job. Kan keri' k'a xtuben ri kolotajik. Yin Jehová ri xkibanon.

Wuj Richin ri Isaías 40:26

Kan kixtzu'un-el chikaj richin nitz'et jebel achike banayon ronojel re'. Ri Jehová kan yerajlaj ri ch'umila', y kan e ruya'on kibi'. Roma ri nimalej ruq'ij y ri nimalej ruchuq'a', rija' kan nuben chi man jun nisach pa kik'ojelibal.

Wuj Richin ri Isaías 22:11

Chukojol ri ka'i' tz'aq ri sutiyon-rij ri tinamit, xtikinojisaj chi ya', ri xtikik'en-pe chupan ri ojer yakonabel. Jak'a rix xa man xtikanoj ta to'onik rik'in ri Dios ri xojbanon. Rix man xtiya' ta rejqalen ri Dios ri xch'obon chirij ronojel re'.

Wuj Richin Bix Chire ri Dios 104:24

Nimalej Jehová, ri asamaj rat kan man ajlatel ta k'a. Chikijujunal xe'aben k'a rik'in na'oj. Kan chijun ruwach'ulew nojineq rik'in ronojel ri xaben.

1 Rey 11:38

Y wi xtanimaj ronojel ri xtubij chawe, y wi xtatzeqelibej ri rubey y utz xtaben chuwech rija', y wi xtataqej ronojel ri rupixa'; wi keri', ri Jehová kan xtik'oje' awik'in y kan xkerujikiba' k'a ri aj pan awachoch chupan ri q'atbel-tzij achi'el xuben chire ri rijatzul ri David, y xtujech k'a ri tinamit Israel pan aq'a'.

2 Sam 7:27

Jehová k'iytisanel richin ronojel, ri at qa-Dios roj; rat xaq'alajirisaj k'a chuwe chi kan xtapaba-q'anej ri wijatzul. Roma ri' kan xpe pa wánima richin yich'on awik'in.

Wuj Richin ri Q'axanri'il 23:23

Chirij ri Jacob man jun ri nitikir, man jun itzinik ri nik'atzin. Wakami xa ruk'amon chi nibix chikij: Titzu' k'a rix winaqi' ri rubanon ri Dios kik'in rije'.

Wuj Richin Bix Chire ri Dios 8:3

Toq nintz'et ri kaj, ri kan ja ri aq'a' rat banayon; ri ik' y ri ch'umila' ri kan ja rat ri xabanon kichin,