Wuj Richin Bix Chire ri Dios 28:2 - Kaqchiquel Bible

² Tabana' utzil kinawak'axaj toq yin yich'on awik'in chupan ri awachoch, toq ninyek ri nuq'a' richin nink'utuj to'onik chawe.

Wuj Richin Bix Chire ri Dios 28:2 ပူးပေါင်းရင်းမြစ်များ

Wuj Richin Bix Chire ri Dios 138:2

Yitzu'un pa ruchojmilal ri awachoch, y ninya' aq'ij. Xtinbixaj k'a ri abi' roma ri ajoyowanik y kan naben ri nabij, roma kan animirisan k'a ri abi' y ri ach'abel pa ruwi' ronojel.

Wuj Richin Bix Chire ri Dios 141:2

Ri nuch'owen, kan nijubulin ta napon chawech achi'el ri jubulej pom. Ri nuq'a' ri nuyakon chawech, kan xtiqa' ta k'a chawech, achi'el ri kamelabel ri nisuj chawe tiqaq'ij.

1 Timoteo 2:8

Ninwajo' k'a chi ri achi'a' kech'on rik'in ri Dios xabakuchi ek'o-wi, tikitzeqej ri loq'olej kiq'a' chikaj, y man ta jun oyowal ri niq'aton ri kich'owen.

Wuj Richin Bix Chire ri Dios 140:6

Jak'a yin kan nujachon-wi' pan aq'a' rat Jehová. Tabana' utzil, tawak'axaj ri nuch'owen y tajoyowaj nuwech.

Wuj Richin Bix Chire ri Dios 134:2

Titzeqej k'a ri iq'a' chikaj richin niya' ruq'ij; kan tinimirisaj k'a ruq'ij ri Jehová.

Wuj Richin Bix Chire ri Dios 5:7

Jak'a yin, roma ri nimalej awutzil ri aya'on pa nuwi' xkinok chupan ri awachoch. Chiri' xtinya' k'a aq'ij achi'el ri ruk'amon chawe rat.

Dn 6:10

Jak'a ri Daniel, toq xunabej chi xtalux yan rutzijol re jun pixa' re', xjote-q'anej chupan ri ka'i' wiq rachoch, xujeq ri ru-ventana ri k'o pa ruchojmilal ri tinamit Jerusalem y xxuke' richin nich'on y nimatioxin rik'in ri Dios, kan achi'el ri rubanon-pe. Y re' xuben oxi' mul pa jun q'ij.

Wuj Richin ri K'uxla'anik 2:19

Ri pa taq chi'aq'a', kixyakatej y tiraqa' ichi'. Toq nokoq'a-pe, kan tijaqa' ri iwánima chuwech ri qajaw. Tiyaka' ri aq'a' chuwech richin nik'utuj utzil pa kiwi' ri iwalk'ual, ri yeken-qa roma wayjal pa taq bey richin ri tinamit.

Wuj Richin Bix Chire ri Dios 143:6

Ninyek k'a ri nuq'a' chawech richin nink'ul to'onik. Ri wánima kan at royoben, achi'el ri ruwach'ulew ri chaqi'j-chaqi'j rubanon roma maneq ruya'.

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

Wuj Richin Bix Chire ri Dios 63:4

Kan chijun k'a ri nuk'aslen xtinya' aq'ij, kan xtinyek k'a ri nuq'a' richin yitzijon awik'in.

2 Crón 6:13

Chiri' k'o k'a jun palibel ri rubanon rik'in q'enq'oj-pueq. Ri retabal ri palibel ri' jun jaj rik'in ka'i' q'a'aj ri raqen y ri ruwech keri' chuqa' ri retabal, y ri rujotolen waqi' q'a'aj rik'in wo'o' ruwi' q'a'aj. Y ri palibel ri' banon pa runik'ajal ri ruwa-jay richin ri rachoch ri Jehová. Ri Salomón xjote-el chiri' y k'ari' xxuke-qa chikiwech konojel ri ruwinaq y xurik' chik q'anej ri ruq'a',

1 Rey 8:38

y wi k'o ta jun ri nutz'et ri nima-ruk'ayewal y nuna' ri q'axo'n pa ránima y xtuyek ta ri ruq'a' y xtitzu'un pa ruchojmilal ri awachoch richin nich'on awik'in o nuk'utuj chawe;

1 Rey 6:19

Y ri ti jay ri k'o-apo chirij xuwiq k'a, richin chiri' niya'ox-wi ri káxa richin ri rujikibel-tzij ri Jehová.

1 Rey 6:5

Chuqa' xerupabala-q'anej ch'aqa' chik jay pa taq ruxikin y ri chirij. Pa taq cholaj k'a xerubanala' chike, y oxi' wiq jotol chikaj.

Wuj Richin Bix Chire ri Dios 130:2

Ajaw tabana' utzil tawak'axaj ri nuch'abel. Kan taya' k'a axikin chire ri nuch'owen, richin najoyowaj nuwech.

Wuj Richin Bix Chire ri Dios 141:1

Jehová, kan awik'in rat yich'on-wi, tabana' utzil katanpe chi'anin. Tawak'axaj k'a ri nuch'abel toq yich'on awik'in.

Dn 6:11

Ri achi'a' ri nich'upun kik'u'x chirij ri Daniel xkimol k'a el ki' richin nibekiq'elebej. Y kan xbekila' xukul richin nich'on y nimatioxin rik'in ri ru-Dios.