Wuj Richin Bix Chire ri Dios 28:1 - Kaqchiquel Bible

¹ Ja ri abi' rat ninnataj Jehová, nuto'onel yin. Man k'a tapoqonaj nak'uluba-pe ri nuch'abel. Roma wi keri' xa kan in ajlan chik k'a chikikojol ri kaminaqi'.

Wuj Richin Bix Chire ri Dios 28:1 ပူးပေါင်းရင်းမြစ်များ

Wuj Richin Bix Chire ri Dios 143:7

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Etamabel-Tzij 1:12

Xa jubeq' k'a xtiqabanala' chike ri winaqi', achi'el nuben ri jul chike ri ch'akulaj e kaminaqi' chik. Xa kan chi tz'aqet xkeqabeq', achi'el toq k'o jun ri nitzaq pa jun jul.

Wuj Richin Bix Chire ri Dios 83:1

Nimalej Dios ¿Achike roma man jun nabij? ¡Man taben chi man jun nabij, ni man kak'oje' kan choj keri'!

Apocalipsis 20:3

K'ari' xberuk'aqa' kan chupan ri nimalej siwan ri ruyon q'equ'm rupan, xutz'apej kan rik'in ri llave y xuya' kan jun retal ri chiri' pan okibel richin chi man jun nijaqon, richin chi man chik keruq'ol ri winaqi' k'a toq nitz'aqet 1,000 juna'. Chirij ri, xtibejaq-pe y xtitzolin chik chikiq'olik ri winaqi', jak'a xaxe chik richin juba' q'ij.

Wuj Richin ri Isaías 26:4

Kan tiqakuquba' qak'u'x rik'in ri Jehová tibe-q'ij tibe-seq, roma rik'in ri Jehová ri qajaw k'o-wi ri uchuq'a' richin q'asen.

Wuj Richin ri Achin Job 33:28

Pa ruk'exel ri' kan xirukol chuwech ri kamik, y wakami k'a nintzu' na re saqil, xticha'.

Wuj Richin ri Isaías 38:18

Jak'a ri ek'o chupan ri jul richin muqbel man yetikir ta nikiya' aq'ij, y ri kaminaqi' man yetikir ta nikoyobej ri awutzil ri man nik'is ta.

Wuj Richin Bix Chire ri Dios 35:22

Jehová, man kak'oje' kan chaq keri', roma rat kan xatz'et k'a re nikiben. Tabana' utzil man kinaya' kan, Jehová nu-Dios yin.

Wuj Richin Bix Chire ri Dios 30:9

Xinbij k'a: ¿Achike ta k'a xtuk'en-pe ri nukamik? ¿Achike k'a xtuk'en-pe toq in muqun chik kan? ¿Kan xkitikir kami xtinya' aq'ij toq xa in poqolaj chik? ¿Kan xtitikir kami ri poqolaj ri' xtutzijoj chi man yinamalij ta kan?

Wuj Richin Bix Chire ri Dios 22:2

Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Wuj Richin Bix Chire ri Dios 3:4

Rik'in ri nuch'abel xatinwoyoj rat Jehová, xak'uluba-pe ri nuch'abel, k'a akuchi atk'o-wi chupan ri awachoch ri k'o pa ruwi' ri juyu'.

Wuj Richin Bix Chire ri Dios 77:1

Yin kan xisik'in k'a chuk'utuxik to'onik chire ri Dios; kan chire k'a rija' xink'utuj-wi roma kan yirak'axaj.

Wuj Richin Bix Chire ri Dios 69:15

Man taya' q'ij chi yiruqirirej-el ri ya', ni man ta yirubeq' ri nimalej siwan, man ta yimuqutej kan chupan ri nimalej jul.

Wuj Richin Bix Chire ri Dios 5:2

Nu-rey yin y nu-Dios yin, tabana' utzil tawak'axaj ri nuk'utunik, roma awik'in rat yich'on-wi.

Wuj Richin Bix Chire ri Dios 142:1

Rik'in ronojel ri wuchuq'a' xkich'on rik'in ri Jehová; kan nink'utuj k'a ri rujoyowanik ri Jehová pa nuwi' yin.

Wuj Richin Bix Chire ri Dios 39:12

Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.

Wuj Richin Bix Chire ri Dios 42:9

Xtink'utuj chire achike roma in rumalin kan, y achike roma chaq yibison roma ri q'axo'n ri nikiben chuwe ri e etzelanel wichin.

Wuj Richin Bix Chire ri Dios 30:4

Tibixaj k'a rubi' ri Jehová, rix ri ix ch'aron chik. Tiya' k'a ruq'ij ri loq'olej rubi'.

Wuj Richin Bix Chire ri Dios 142:2

Chuwech k'a rija' xtinya-wi ronojel ri nusujunik; xtinchol k'a chire rija' ri bis ri k'o pa wánima.