Wuj Richin Bix Chire ri Dios 27:9 - Kaqchiquel Bible

⁹ Jehová man tawewaj-awi' chinuwech. Man taya' ri awoyowal pa nuwi' yin ri in asamajel, roma kan ja rat k'a ri at nuto'onel yin. Man kinaya' kan, ni man kinawisq'opej kan, nu-Dios y nukolonel yin.

Wuj Richin Bix Chire ri Dios 27:9 ပူးပေါင်းရင်းမြစ်များ

Wuj Richin Bix Chire ri Dios 69:17

Man tawewaj-awi' chinuwech, yin ri in asamajel, roma ink'o pa nimalej bis; tabana' utzil kinawak'axaj chi'anin.

Wuj Richin Bix Chire ri Dios 143:7

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 102:2

Man tawewaj-awi' chinuwech toq yin ink'o pa q'axo'n. Tabana' utzil taya' axikin chire ri nuch'abel. Kan ta chi'anin xtak'uluba-pe ri nuch'abel toq yin yich'on awik'in.

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin Bix Chire ri Dios 24:5

Rije' xtikik'ul k'a urtisanik pa ruq'a' ri Jehová. Toq xtiq'at-tzij pa kiwi', ri Dios ri xkolon kichin xtubij chi rije' kan e choj.

Wuj Richin Bix Chire ri Dios 119:121

Ronojel nubanon pa ruchojmilal. Roma ri' man kinamalij kan pa kiq'a' ri yetz'ilo wichin.

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

Wuj Richin Bix Chire ri Dios 44:24

¿Achike roma nawewaj-awi' chiqawech, y amestan ri qaq'axo'n y ri ruk'ayewal ri niqaq'axaj roj?

Wuj Richin Bix Chire ri Dios 13:1

Jehová, ¿kan richin kami q'asen xinamestaj kan? ¿kan jantape' ta k'a xtawewaj-awi' chinuwech?

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Wuj Richin ri Isaías 50:1

Kere' k'a nubij ri Jehová: Rix walk'ual, ¿akuchi kami k'o-wi ri wuj ri nubij chi yin xinya' kan ri ite', achi'el nuben kan jun achin chire ri rixjayil? ¿Xixink'ayij roma k'o ta nuk'as? Ni, jak'a xa roma imak y ri iyakatajinenri'il. Chuqa' roma ri rumak ri ite', kan xinteq-el nej.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Wuj Richin ri Isaías 59:2

Jak'a ri itzel taq ibanobal ri ye'iben, jari' xbanon chiwe chi xixch'aratej rik'in ri Dios. Y ri imak xbanon richin chi rija' man nitikir ta yixrutz'et, y man yixrak'axaj ta.

Wuj Richin Bix Chire ri Dios 69:18

Kajel k'a pe wik'in, y kinakolo'. Kinato' k'a chikiwech ri e etzelanel wichin.

Wuj Richin Bix Chire ri Dios 102:3

Ri q'ij richin ri nuk'aslen xa kan chi'anin k'a beneq achi'el nuben ri sib. Ri nubaqil kan achi'el k'a ri rutza'n si' ri k'atineq chik.