Wuj Richin Bix Chire ri Dios 27:6 - Kaqchiquel Bible

⁶ Keri', kan xkitikir xkench'ek ri e etzelanel wichin. Kan xtinsuj k'a sipanik chire rik'in raqoj-chi'ij y kikoten. Xkibixan y kan ja ri rubi' ri Jehová ri xtinbixaj.

Wuj Richin Bix Chire ri Dios 27:6 ပူးပေါင်းရင်းမြစ်များ

Wuj Richin Bix Chire ri Dios 3:3

Jak'a rat Jehová at to'onel wichin yin; rat ri yabanon chuwe chi k'o ruwa-nuq'ij y naben chuwe richin chi yitikir ninyek-wi'.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

Wuj Richin Bix Chire ri Dios 107:22

Chuqa' tisuju' sipanik richin matioxinik chire. y kan titzijoj k'a rik'in kikoten ronojel ri nuben rija'.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

2 Sam 22:49

Ja rija' k'a ri nikolon wichin pa kiq'a' ri e etzelanel wichin. Kan nuben k'a chuwe chi kan yich'akon chikij ri e yakatajineq chuwij. Chuqa' kan yirukol pa ruq'a' ri wineq itzel.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

Wuj Richin Bix Chire ri Dios 95:1

Kixanpe, qojch'on rik'in kikoten chire ri Jehová. Rik'in kikoten qabixala' bix chire ri qatobal y qakolonel.

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

Wuj Richin ri Jeremías 31:7

Roma kere', yin Jehová ninbij chiwe rix ch'aqa' chik winaqi' richin ri ruwach'ulew chi kixbixan k'a rik'in kikoten roma ri rutinamit ri Jacob ri kan k'o más rejqalen chi'ikojol iwonojel. Kan kixbixan k'a rik'in kikoten y tik'utuj utzil chuwe chi yin yenkol ri juba' ri k'a ek'o na kan.

Wuj Richin Bix Chire ri Dios 138:5

Kan ta xtikibixaj k'a ronojel ri abanon rat, Roma ri ak'ojlemal kan janila nim.

Wuj Richin Bix Chire ri Dios 110:7

Y rat xtaqum k'a el aya' chiri' chuchi' ri bey, richin xtik'oje-el más awuchuq'a'. Roma ronojel re', rat xkatikir xkach'akon.

Wuj Richin Bix Chire ri Dios 81:1

Tiqabixaj rik'in kikoten ri rubi' ri Dios, ri qatobal roj; kan rik'in kikoten tiqanimirisaj ruq'ij ri ru-Dios ri Jacob.

Wuj Richin Bix Chire ri Dios 47:1

Chinimalej iwonojel rix winaqi', tipaq'apa' ri iq'a'. Tiya' k'a ruq'ij ri Dios rik'in kikoten.

Wuj Richin Bix Chire ri Dios 21:13

Jehová, kan xtiqanimirisaj k'a ri abi' rat, roma ri nimalej awuchuq'a'. Xqojbixan k'a y xtiqaya' aq'ij, roma ri uchuq'a' ri k'o pan aq'a'.

Wuj Richin Bix Chire ri Dios 21:1

Jehová, ri rey kan janila nikikot rik'in ri ruchuq'a' ri xaya'; kan janila k'a nikikot rik'in ri ch'akonik ri xaya' chire.

1 Crón 22:18

Y ri David xubij chike: Ri Jehová ri qa-Dios kan k'o-wi qik'in, y ruya'on uxlanibel-k'u'x xabakuchi, roma rija' kan xerujech yan pa nuq'a' konojel ri winaqi' richin chijun ruwach'ulew. Y re ruwach'ulew re' kan xk'oje' kan chuxe' rutzij ri Jehová y ri rutinamit.

2 Rey 25:27

Y toq xapon yan k'a juwineq wuqlajuj juna' chi tuk'uex-el ri Joaquín ri rey richin Judá, ja juna' ri' toq ri Evil-merodac xok-q'anej rey ri chiri' pa Babilonia. Rija' xuya' k'a el q'ij chire ri Joaquín richin xel-el ri akuchi tz'apen-wi. Y re' xbanatej chupan ri q'ij juwineq wuqu' richin ri ik' kablajuj chire ri juna' ri'.

2 Sam 22:1

Toq ri David xkolotej yan roma ri Jehová pa kiq'a' ri etzelanel richin, y pa ruq'a' ri Saúl, jari' toq xuben re jun bix re' chire ri Jehová:

Wuj Richin ri Rutikeribel 40:13

Pan oxi' q'ij apo ri rey xkaroyoj chik y xkatapon chik jun bey chupan ri ak'ojlen y xtaya' chik apo ri vino chire ri rey, achi'el ri abanon-pe toq xasamej pa nabey.

Wuj Richin ri Rutikeribel 40:20

Y pa rox q'ij, ri rey xtz'aqet chik k'a jun rujuna' y rija' xuben jun nimalej wa'in kichin konojel ri rusamajela' ri nima'q kiq'ij. Chikiwech k'a konojel ri e royon toq xuteq kik'amik ri e ka'i' aj-raqen ri', ri e tz'apel pa cárcel.

Wuj Richin Bix Chire ri Dios 3:4

Rik'in ri nuch'abel xatinwoyoj rat Jehová, xak'uluba-pe ri nuch'abel, k'a akuchi atk'o-wi chupan ri awachoch ri k'o pa ruwi' ri juyu'.

Wuj Richin Bix Chire ri Dios 57:8

¡Wánima yin, kan kayakatej k'a! ¡kixyakatej rix jalajoj ruwech q'ojom! ¡yin kan xtinya' k'a ruq'ij ri Dios nimaq'a' yan!

Wuj Richin Bix Chire ri Dios 119:108

Tabana' utzil, xtak'awomaj ta k'a toq ninya' aq'ij rik'in bix, y tak'utu' chinuwech ri apixa'.