Wuj Richin Bix Chire ri Dios 27:5 - Kaqchiquel Bible

⁵ Toq yin xkik'oje' pa ruk'ayewal, rija' kan xkirewaj chupan ri rachoch. Kan xkirukuch jebel pan ewel chiri' y xkiruchajij, xtuben chuwe chi achi'el xa ta ink'o pa ruwi' jun nimalej abej y man jun nitikir niq'i'on wichin.

Wuj Richin Bix Chire ri Dios 27:5 ပူးပေါင်းရင်းမြစ်များ

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 31:20

Kan ye'achajij k'a chuwech ri kich'obonik ri e banoy etzelal. Kan awik'in k'a rat nikito-ki' chire ri kiyoq'onik ri winaqi' ri'.

Wuj Richin Bix Chire ri Dios 138:7

Wi ta yin ink'o pa ruk'ayewal, rat kan yinachajij. Kan xtatzeqej k'a ri aq'a' chikij ri e etzelanel wichin y yinakol.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin Bix Chire ri Dios 119:114

Awik'in k'a rat ninwewaj-wi-wi' y rat kan yinato'. Kan nukuquban k'a nuk'u'x rik'in ri ach'abel.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 40:2

Jari' k'a toq xirelesaj chupan ri jul richin ri q'axo'n. Xirukol chupan ri puq'upik ch'abeq. Xiruya' pa ruwi' jun abej richin chi chiri' man jun nink'uluwachij, y xuya' k'a el wuchuq'a'.

Colosenses 3:3

Keri' ninbij chiwe roma rix achi'el xixken yan chuwech ri ch'obonik richin re ruwach'ulew, y ri ik'aslen jikil rik'in ri Cristo, y jun ibanon rik'in ri Dios.

Wuj Richin Bix Chire ri Dios 17:8

Kinachajij k'a achi'el nachajij ri runaq' taq awech; kinakuchu' chuxe' ri amujal rat.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin ri Isaías 26:20

Rix nuwinaq kixbiyin k'a pa taq iwachoch, y kan titz'apej jebel ri ruchi' toq xkixok-apo. Tiwewaj juba' iwi' rokik nik'o-qa juba' royowal ri Dios.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin Bix Chire ri Dios 61:2

Kan k'a pa ruk'isibel chire ri ruwach'ulew xkich'on-wi awik'in, kan xkich'on k'a awik'in toq ri wánima janila nibison. Kinak'uaj, k'a pa ruwi' ri abej ri más nim chinuwech yin.

Wuj Richin Bix Chire ri Dios 18:33

Kan xuya' wuchuq'a' richin anineq xibiyin chupan ri k'echelaj, achi'el nanin jun masat.

Wuj Richin Bix Chire ri Dios 83:3

Kan xkiya' k'a chikiwech chi xeyakatej chiqij roj ri oj atinamit; pan ewel k'a xkich'ob rij ri etzelal ri nibekibana' chiqe roj ri kan oj achajin rat.

Wuj Richin Bix Chire ri Dios 77:2

Chupan ri q'ij toq xbison ri wánima kan xinwoyoj k'a ri wajaw. ri pa taq tokoq'a' man xitane' ta richin xinyakala' ri nuq'a' chuwech rija'; y ri wánima kan man jun k'a uxlanibel xuk'ul.

Wuj Richin ri Isaías 26:16

Toq xe'aya' ri qawinaq pa tijoj-poqonal, xatkikanoj k'a, y xech'on k'a awik'in

Wuj Richin Bix Chire ri Dios 10:1

Jehová, ¿achike k'a roma k'a nej atk'o-wi, y nawewaj-awi' toq k'o ruk'ayewal?

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

2 Crón 22:12

Waqi' k'a juna' xkewaj ri Joás kik'in rije' chiri' pa rachoch ri Dios, rokik ri Atalía nuq'et-tzij chupan ri ruwach'ulew Judá.

Wuj Richin Bix Chire ri Dios 31:21

Nimalej aq'ij-ak'ojlen rat Jehová, roma rik'in awajowabal xaben meyel taq banobel toq xik'oje' pa latz', xaben wik'in achi'el jun tinamit ri sutin-rij chi tz'aq.

Wuj Richin Bix Chire ri Dios 40:3

Rija' xuk'ut jun k'ak'a' bix chinuwech, jun bix richin ninya' ruq'ij rija'. Re' kan xtikitz'et k'a e k'iy, y xtikixibij-ki', y kan xtikikuquba' kik'u'x rik'in ri Jehová.

Wuj Richin Bix Chire ri Dios 61:3

Roma kan ja rat ri at nutobal, ja rat ri kan achi'el jun tz'aq ri asurin-wij chuwech ri etzelanel wichin.