Wuj Richin Bix Chire ri Dios 27:11 - Kaqchiquel Bible

¹¹ Jehová, tak'utu' chinuwech ri abey. Kinayuqej chupan ri bey richin ruchojmilal, roma kan ek'o-wi ri e etzelanel wichin.

Wuj Richin Bix Chire ri Dios 27:11 ပူးပေါင်းရင်းမြစ်များ

Wuj Richin Bix Chire ri Dios 5:8

Jehová, kinayuqej chupan ri ruchojmilal. Tak'utu' chinuwech ri abey, roma kan ek'o-wi ri e etzelanel wichin.

Wuj Richin Bix Chire ri Dios 86:11

Nimalej Jehová, tabana' utzil tak'utu' chinuwech ri abey, y yin kan man xtinmalij ta kan ri bey ri'; tajikiba' ri wánima richin chi nik'oje' akiy chinuwech.

Wuj Richin Bix Chire ri Dios 26:12

Yin kan in jikil chawech, roma ri' kan xtinya' aq'ij chikiwech ri nuwinaq.

Wuj Richin Bix Chire ri Dios 119:10

Yin kan rik'in k'a ronojel wánima atinkanon-pe. Man taya' q'ij chi ninch'er kan wi' chire ri apixa'.

Wuj Richin Bix Chire ri Dios 64:6

Nikinojila' k'a q'anej ri etzelal, y kan jebel ruch'obik nikiben chire. Kan qitzij na wi chi rije' kan janila e nowineq rik'in ri kich'obonik.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

Wuj Richin Bix Chire ri Dios 25:9

Kan ye'ayuqej k'a ri kiqasan-ki' chawech; kan nak'ut ri ruchojmilal chikiwech.

San Lucas 20:20

Ri aj-raqen kichin ri sacerdote y ri etamanela' ri' xekiteq k'a pe ch'aqa' chik achi'a' nachanela' ri kan choj kik'aslen niq'alajin, jak'a xa man keri' ta. Rije' xa nikajo' k'a nikiya' ta pa k'ayew ri Jesús, y nitzaq ta pa kiq'a' rik'in ri ch'abel ri nubij. Richin chi nikijech pa ruq'a' ri q'atbel-tzij aj-Roma.

Wuj Richin Etamabel-Tzij 8:9

Ronojel re' kan jebel-wi e q'alaj chikiwech ri winaqi' ri kan yech'obon, y chuqa' kan e choj chikiwech ri kan k'o ketamabal.

Wuj Richin Bix Chire ri Dios 25:12

Ri nikixibij-ki' chawech kan xtiketamaj ri bey ri k'o chi nikik'uaj.

Wuj Richin Etamabel-Tzij 15:19

Ri bey richin ri ruk'aslen ri wineq q'or, xa nojineq chi k'ix nutzu' rija'; jak'a ri rubey ruk'aslen ri wineq choj ruk'aslen, man jun achike ta ruk'ayewal.

Wuj Richin Bix Chire ri Dios 54:5

Kan xtaya' k'a rutojbalil-mak chike ri e etzelanel wichin. Ajaw, kan tawelesaj k'a el ri kik'aslen re winaqi' re' roma rat, kan naben ri nabij.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

Wuj Richin Bix Chire ri Dios 139:24

tatz'eta' wi xa k'o k'a etzelal chupan ri nuk'aslen yin. Kinak'uaj k'a chupan ri bey richin k'aslen ri nibe awik'in rat.