Wuj Richin Bix Chire ri Dios 27:10 - Kaqchiquel Bible

¹⁰ Stape' ri nte-nata' yinkimalij kan, ja rat Jehová ri xkachajin wichin.

Wuj Richin Bix Chire ri Dios 27:10 ပူးပေါင်းရင်းမြစ်များ

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

San Juan 16:32

Roma kan qitzij ninbij chiwe chi ri jun q'ij ri' kan napon yan k'a, chi rix xa xtitaluj-el-iwi' y xa xkiniya' kan nuyon. Jak'a man kan ta nuyon chuqa' yik'oje' kan, roma ri nata' kan k'o-wi wik'in.

San Mateo 10:36

Keri' k'a ri etzelanel richin jun wineq xa kan ja ri e aj pa rachoch.

2 Timoteo 4:16

Ri pa nabey toq xinuk'uex chuwech ri q'atoy-tzij, man jun xto'on wichin. Jak'a man ninwajo' ta chi ri Dios xtuya' ta ruk'exel chike ri xa man xinkito' ta y xinkiya' kan nuyon.

Wuj Richin Bix Chire ri Dios 69:8

Ri nuwinaq kan nikiben chuwe achi'el man in kiwinaq ta. Ri wach'alal nikiben chuwe achi'el man in aj wawe' ta,

San Juan 9:35

Ri Jesús xrak'axaj k'a chi ri achin ri' xoqotex-pe. Roma ri' xberukanoj y toq xril, xubij chire: ¿Nakuquba' ak'u'x rik'in ri ruk'ajol ri Dios?, xcha'.

2 Sam 16:11

K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire.