Wuj Richin Bix Chire ri Dios 27:1 - Kaqchiquel Bible

¹ Ja ri Jehová ri saqil y kolotajik chire ri nuk'aslen. ¿Achoq chuwech ta k'a xtinxibij-wi'? Ja ri Jehová nichajin ri nuk'aslen. ¿Achike ta k'a roma xkik'ark'ot-qa?

Wuj Richin Bix Chire ri Dios 27:1 ပူးပေါင်းရင်းမြစ်များ

Wuj Richin ri Achin Job 29:3

Rik'in ri rusaqil rija' ri k'o pa nuwi', yin kan xitikir k'a xiq'ax chupan ri ruq'equmal ri k'aslen re wawe'.

Wuj Richin Bix Chire ri Dios 11:1

Rik'in ri Jehová nukuquban-wi nuk'u'x. ¿Achike roma nibij chuwe: katanimej, kabiyin pa taq juyu' achi'el nuben jun aj-xik' chikop?

Wuj Richin Bix Chire ri Dios 118:21

Jehová, yin kan xtinya' aq'ij roma kan xawak'axaj ri nuch'abel. Kan ja rat ri at nukolonel.

Wuj Richin Bix Chire ri Dios 118:6

Rija' kan k'o wik'in yin, roma ri' man xtinxibij ta wi', chire ri itzel ri xtuben ri wineq chuwe.

Wuj Richin Bix Chire ri Dios 18:28

Ja rat Jehová ri yasaqirisan ri nubey. Rat k'a yasaqirisan chupan ri q'equ'm.

Wuj Richin Bix Chire ri Dios 18:29

Rik'in ri awuchuq'a' rat, yin yitikir yenk'is jun tzobaj aj-labal. Chuqa' yitikir yentzeq ri nima'q taq tz'aq richin ri kitinamit rije'.

Wuj Richin Bix Chire ri Dios 18:46

Nimalej ruq'ij ri Jehová roma ja rija' ri tobel wichin yin. Xtinnimirisaj k'a ri nu-Dios, ri xya'on ri nukolotajik.

Wuj Richin Bix Chire ri Dios 19:14

Jehová kan ta k'a xtak'awomaj ri ch'abel ri ye'el pa nuchi' y ri ninch'ob pa wánima; xtapon ta chawech rat nimalej Jehová ri at nutobal y nukolonel yin.

Wuj Richin Bix Chire ri Dios 3:8

Awik'in k'a rat Jehová nipe-wi ri kolotajik ¡Taya' k'a ri urtisanik pa ruwi' ri atinamit!

Wuj Richin Bix Chire ri Dios 43:2

Nu-Dios yin, kan ja wi rat ri at nutobal. ¿Achike k'a roma in amalin kan? ¿Achike roma chaq xkibison roma ri q'axo'n ri nikiben chuwe ri e etzelanel wichin?

Wuj Richin Bix Chire ri Dios 62:2

Kan xaxe k'a rija' ri nutobal y ri nukolotajik. Rik'in rija' ninto-wi-wi' y kan man xkijilijo' ta k'a.

Wuj Richin Bix Chire ri Dios 62:6

Kan xaxe k'a rik'in rija' ninto-wi-wi' y ja rija' ri nikolon wichin. Ja rija' ri nutobal y roma ri' kan man xkijilijo' ta k'a.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 2:5

Y ri israelita xtikibij: ¡Wakami k'a roj ri oj aj pa rachoch kan ri Jacob, qojbiyin pa saqil ri ruya'on kan ri Jehová!, xkecha'.

Wuj Richin ri Isaías 45:24

Y xtikibij k'a chi xaxe wik'in yin k'o ruchojmilal y uchuq'a'. Konojel k'a xkepe chinuwech, y xkek'ixbitej k'a konojel ri xeyakatej chuwij.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Jeremías 20:11

Jak'a rat Jehová atk'o wik'in yin. Ja rat at nukolonel ri k'o nimalej uchuq'a' awik'in. Roma ri' ri e etzelanel wichin kan xkech'akatej. Y man xketikir ta xkinkich'ek. Xa ja rije' ri xkek'ixbitej y kan xtaqasaj kiq'ij richin jantape'.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

San Lucas 2:30

Ri runaq'-nuwech xkitzu' yan k'a kan ri kolotajik ri peteneq awik'in rat,

San Lucas 3:6

Kan konojel winaqi' xkekolotej roma ri Jehová, nicha'.

San Juan 1:9

Y kan xoqaqa ri qitzij saqil ri' chuwech chijun re ruwach'ulew richin nusaqirisaj ri kik'aslen ri winaqi'.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

2 Corintios 12:9

Jak'a ri ajaw xubij chuwe: Rat xaxe k'a kakikot rik'in ri wutzil y man jun chik ri xtik'atzin ta chawe. Toq maneq chik awuchuq'a' nana' rat, yin kan xkik'oje' awik'in y ninya' ri uchuq'a' ri nik'atzin chawe, xcha' chuwe. Roma ri' yin janila yikikot roma ri e nuk'uluwachilon ri xa nikik'ut chi maneq wuchuq'a'. Y rik'in ri' kan niqaqa-wi k'a pe ri ruchuq'a' ri Cristo pa nuwi'.

Deut 7:18

Jak'a man tixibij-iwi' chikiwech, xaxe toqaqa chi'ik'u'x ri xuben ri Jehová rik'in ri rey richin Egipto y kik'in ri ruwinaq.

Deut 7:21

Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Filipenses 4:13

Kan ja ri Cristo niya'on wuchuq'a' richin yitikir ninq'axaj ronojel.

Hebreos 13:6

Y roma ri' kan rik'in k'a ronojel ik'u'x yixtikir nibij:*f28* Yin ja ri ajaw ri nito'on wichin. Roma ri' man xtinxibij ta wi' chuwech ri itzel ri xtuben ri wineq chuwe.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.

Apocalipsis 7:10

Y konojel rik'in kuchuq'a' nikibij: Re xojkolotej, kan xaxe ri Dios ri tz'uyul chupan ri tz'uyubel ri xbanon, kan xaxe ri Karne'l ri xkolon qichin, yecha'.