Wuj Richin Bix Chire ri Dios 26:7 - Kaqchiquel Bible

⁷ y kan yich'on k'a kow richin ninya' utzilej atzijol, y yich'on pa ruwi' ri meyel taq abanobal.

Wuj Richin Bix Chire ri Dios 26:7 ပူးပေါင်းရင်းမြစ်များ

Wuj Richin Bix Chire ri Dios 9:1

Jehová, kan ninya' aq'ij rik'in ronojel wánima. Kan xtintzijoj k'a ronojel ri meyel taq abanobal.

Wuj Richin Bix Chire ri Dios 145:5

Xtikitzijoj k'a ri runimirinen ri ak'ojlemal rat Jehová; kan xtikiquqa' ri meyel taq abanobal ri xe'aben.

Wuj Richin Bix Chire ri Dios 134:2

Titzeqej k'a ri iq'a' chikaj richin niya' ruq'ij; kan tinimirisaj k'a ruq'ij ri Jehová.

Wuj Richin Bix Chire ri Dios 119:27

Tabana' chuwe chi niq'ax chinuwech ri apixa', roma yin kan ninwajo' yich'obon pa ruwi' ri meyel taq abanobal.

Wuj Richin Bix Chire ri Dios 118:27

Ri Jehová kan jari' ri Dios, kan ruya'on k'a ri saqil pa qawi'. Roma ri' rix tik'ama-pe ruq'a' taq che' richin nitikeriba-q'anej ri nimaq'ij, y kixanpe k'a rik'in ri porobel.

Wuj Richin Bix Chire ri Dios 118:19

¡Tijaqa' k'a chinuwech ri ruchi' ri rachoch ri Jehová, richin xkinok k'a apo y xtinbenya' ruq'ij!

Wuj Richin Bix Chire ri Dios 105:2

Kan tiya' k'a ri bix chire; tibixaj ri rubi'. Kixtzijon pa ruwi' ri meyel taq rubanobal.

Wuj Richin Bix Chire ri Dios 95:2

Qojapon k'a chuwech rija' rik'in matioxinik. Kan tiqanimirisaj k'a ruq'ij rik'in kikoten.

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Wuj Richin Bix Chire ri Dios 9:14

keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.

1 Sam 1:27

Ja ak'ual re' ri xink'utuj chire ri Jehová, y rija' kan xuya-wi chuwe.

1 Sam 1:24

Y toq xrelesaj yan k'a rutz'um ri ak'ual, ri Ana xuk'uaj-el pa rachoch ri Jehová chiri' pa Siló, stape' ri Samuel kan k'a janila ti ko'ol ok. Chuqa' xuk'uaj-el jun achij wákix ri k'o oxi' rujuna'*f2* y xuk'uaj chuqa' más juba' ka'i' arroba k'ej ri man chayun ta, y jun tz'um nojineq chi vino.

1 Crón 16:24

Kan tiqatzijoj ri ruk'ojlemal chike ch'aqa' chik ruwach'ulew; y tiqatzijoj k'a ri meyel taq rubanobal chike ri winaqi'.

Wuj Richin Bix Chire ri Dios 9:2

Kan xkikikot y xkinimaq'ijun awik'in rat. Kan xtinbixaj ri abi', rat ri atk'o pa ruwi' ronojel.