Wuj Richin Bix Chire ri Dios 26:2 - Kaqchiquel Bible

² Jehová, kinatejtobej y tanik'oj ri wánima. Tatz'eta' ri nuch'obonik y ronojel ri k'o pa wánima,

Wuj Richin Bix Chire ri Dios 26:2 ပူးပေါင်းရင်းမြစ်များ

Wuj Richin ri Achin Job 13:23

Kan tabij k'a chuwe janipe' itzel banobel nubanon, y janipe' chi mak ri nubanon chawech. Richin keri' ninwetamaj janipe' mul nupaban-wi' chawech, y ninwetamaj janipe' mak nubanon chawech.

Wuj Richin Bix Chire ri Dios 17:3

Rat kan atzuliben k'a ri wánima chi paq'ij chi chaq'a'. Kan in atejtoben y man jun itzel awilon chuwij, roma yin kan nubin chi kan man jun etzelal ri xtinbij.

Wuj Richin Bix Chire ri Dios 66:10

Qa-Dios roj, ronojel re' xaben richin xojatejtobej; xojach'ajch'ojirisaj achi'el toq nijosq'ix ri saqipueq.

Wuj Richin Bix Chire ri Dios 7:9

Tik'is k'a wakami ri ketzelal ri aj-maki' y takolo' ri choj ruk'aslen, roma rat at jun Dios choj, y kan nanik'oj ri ránima y ri ruch'obonik ri wineq.

Wuj Richin ri Jeremías 20:12

Rat Jehová ri k'iytisanel richin ronojel ri kan ye'atz'et ri choj kik'aslen, natz'et chuqa' ri kinojibal y ri kánima. Taya' q'ij chuwe chi nintz'et rutojbalil-mak ri naya' rat pa kiwi' roma kan xisujun yan q'anej chawech.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.