Wuj Richin Bix Chire ri Dios 26:12 - Kaqchiquel Bible

¹² Yin kan in jikil chawech, roma ri' kan xtinya' aq'ij chikiwech ri nuwinaq.

Wuj Richin Bix Chire ri Dios 26:12 ပူးပေါင်းရင်းမြစ်များ

Wuj Richin Bix Chire ri Dios 27:11

Jehová, tak'utu' chinuwech ri abey. Kinayuqej chupan ri bey richin ruchojmilal, roma kan ek'o-wi ri e etzelanel wichin.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.

Wuj Richin Bix Chire ri Dios 40:2

Jari' k'a toq xirelesaj chupan ri jul richin ri q'axo'n. Xirukol chupan ri puq'upik ch'abeq. Xiruya' pa ruwi' jun abej richin chi chiri' man jun nink'uluwachij, y xuya' k'a el wuchuq'a'.

Wuj Richin Etamabel-Tzij 10:9

Ri wineq ri kan choj yerubanala', kan kuqul k'a ruk'u'x neleyaj. jak'a ri xa nuchop yerubanala' itzel taq banobel, kan xtibek'is chupan ri itzel ri yerubanala'.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

Hebreos 2:12

Kan achi'el nubij chupan ri ruch'abel ri Dios ri tz'ibatel kan:*f7* Yin kan xtintzijoj k'a ri abi' chike ri wach'alal. Xtinya' k'a aq'ij pa taq qamolojri'il.

Wuj Richin Bix Chire ri Dios 122:4

Chiri' xejote-q'anej ri tzobaj winaqi' richin ri Jehová, richin nikiya' ruq'ij rija', achi'el nubij ri pixa'.

Wuj Richin Bix Chire ri Dios 107:32

Tinimirisaj ruq'ij chupan ri molojri'il kichin ri winaqi'. Y chupan ri molojri'il kichin ri rijita'q taq achi'a' ri k'o kiq'ij, tinimirisaj ruq'ij ri Jehová.

Wuj Richin Bix Chire ri Dios 26:7

y kan yich'on k'a kow richin ninya' utzilej atzijol, y yich'on pa ruwi' ri meyel taq abanobal.

Wuj Richin Bix Chire ri Dios 68:27

Chiri' k'o-wi chuqa' ri tzobaj richin ri Benjamín, ja rija' ri k'o pa kiwi', jak'a ri e tata'al richin ri tzobaj Judá, ek'o chupan ri kimolojri'il, keri' chuqa' ri e tata'al richin ri tzobaj Zabulón y ri Neftalí.