Wuj Richin Bix Chire ri Dios 26:10 - Kaqchiquel Bible

¹⁰ roma kik'in rije' k'o ch'obonik ri man utz ta, y kan yepuaqix kan.

Wuj Richin Bix Chire ri Dios 26:10 ပူးပေါင်းရင်းမြစ်များ

Deut 16:19

Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

Wuj Richin Bix Chire ri Dios 52:2

Rat kan xaxe k'a ri itzel taq banobel ri nach'obola' chijun q'ij. Ri awaq' kan xaxe k'a q'oloj ri nuben, kan achi'el jun qupibel ri ya-ya' rey.

1 Sam 8:3

Jak'a rije' man xkiben ta achi'el xuben ri kitata'. Rije' xa ja ri méro ri xkirayij ruwech y xekik'ul ri sipanik ri man ruk'amon ta richin nikik'ul y keri' xkiq'ej ri ruchojmilal ri k'aslen.

Ex 23:8

Man jun bey tik'ul méro toq ri winaqi' nikajo' yixkipuaqij, roma re' xa xtuben chiwe chi man yixtzu'un ta chik rik'in ruchojmilal y nuxotoba' rubanik ri iq'atbel-tzij ri kan ix choj.

Hechos 23:12

Pa ruka'n q'ij chire ri tich'on ri ajaw Jesucristo rik'in ri Pablo, ek'o k'a chike ri judío ri pan ewel xkich'obola' achike ri xtikiben chire ri Pablo. Kan xkibij chi man xkewa' ta ni man xke'uk'ya' ta, wi man xketikir ta xtikikamisaj. Xkibij chuqa' chi kan ja ta k'a ri Dios ri xtiya'on ruk'ayewal pa kiwi', wi xtikiq'ej ri kitzij.

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Am 5:12

Roma yin wetaman jebel ri itzel taq ibanobal kan xik'o yan ruwi'. Ri imak kan janila e nima'q. Ye'itz'ila' ri choj kik'aslen y yixpuaqix. Y rix man niya' ta q'ij chike ri winaqi' ri man jun k'o kik'in richin yech'on kik'in ri to'onela'.

Wuj Richin ri Isaías 33:15

¿Achike kami wineq ri nibiyin pa ruchojmilal? Ri nibin ri qitzij; ri man nibeyomer ta rik'in ri man ruch'akon ta; ri man nuya' ta q'ij chi nipuaqix; ri man nrajo' ta nrak'axaj toq niban ch'owen chirij jun kamik; y ri man nuch'ob ta nuben ri itzel taq banobel.

Wuj Richin Etamabel-Tzij 4:16

Roma ri winaqi' ri' man nipe ta kiwaran, wi xa man jun etzelal kibanon kan; rije' kan nel k'a kiwaran, wi xa man jun wineq ri kibanon kan ch'a'oj chire.

Wuj Richin Etamabel-Tzij 1:16

Roma rije' kan e anineq chubanik ri etzelal, y kan e anineq chuqa' chubanik kamik.

Wuj Richin Bix Chire ri Dios 36:4

Toq yekotz'e-qa pa kich'at, kan chaq nikiquqa' ri etzelal. Kan e beneq k'a chupan ri bey richin ri mak, y man niketzelaj ta kan ri itzel taq banobel.

Wuj Richin Bix Chire ri Dios 11:2

Roma, ri e banoy etzelal kan kinaban chik ri kich'ab, richin chi pan ewel yekiq'ijuj ri choj kik'aslen.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.