Wuj Richin Bix Chire ri Dios 26:1 - Kaqchiquel Bible

¹ Jehová tabana' utzil taq'alajirisaj chi yin man jun mak nubanon, roma yin kan tz'aqet k'a ri nubanobal chawech. nukuquban nuk'u'x awik'in y man rik'in ta ka'i' nuk'u'x.

Wuj Richin Bix Chire ri Dios 26:1 ပူးပေါင်းရင်းမြစ်များ

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

Wuj Richin ri Achin Job 2:3

K'ari' ri Jehová xubij chire: Yin wetaman chi rat atz'eton chik kan ri Job ri nusamajel. Rija' jun achin ri kan janila choj ri ruk'aslen, y man jun achike ta itzel nilitej chirij. Rija' kan k'o nukiy chuwech, nuya' k'a nuq'ij y kan man jun itzel ri nrajo' nuben. Rija' kan k'a jun chojilej achin na wik'in. Xa man jun k'a xach'ek rat rik'in toq xabij chuwe chi tinya' wululen pa ruwi' y rik'in ri' xkiruya' kan, xcha'.

Wuj Richin ri Achin Job 4:6

Rat kan kuqul-pe ak'u'x roma kan k'o rukiy ri Dios chawech. Rat kan k'o pe oyobenri'il pan ak'aslen, roma kan tz'aqet-wi rubanik ri ak'aslen.

Wuj Richin Bix Chire ri Dios 121:3

Rija' kan man xtuya' ta k'a q'ij richin yajilijo', ni man niwer ta k'a ri nichajin awichin.

Wuj Richin Bix Chire ri Dios 15:2

Kan xaxe k'a ri wineq ri tz'aqet ri ruk'aslen y kan pa ruchojmilal nuben ronojel, ri kan xaxe ri qitzij ri nubij;

Wuj Richin Bix Chire ri Dios 21:7

Ri rey kan rukuquban ruk'u'x awik'in rat, Jehová. Y kan man jun k'a xtitzaqon richin, roma ri awajowabal kan man k'isel ta.

Wuj Richin Bix Chire ri Dios 25:2

Nu-Dios yin, kan nukuquban nuk'u'x awik'in. Kan man jun bey ta k'a yik'ixbitej. Kan man taya' q'ij chi ri e etzelanel wichin yekikot chuwij.

Wuj Richin Bix Chire ri Dios 25:21

Tabana' utzil kinakolo', roma ri nubanobal kan utz, y kan choj chawech rat. Roma yin kan nukuquban nuk'u'x awik'in.

Wuj Richin Bix Chire ri Dios 26:11

Jak'a yin kan tz'aqet ri nuk'aslen yibiyin chawech. Roma ri' kinakolo' y tajoyowaj nuwech.

Wuj Richin Bix Chire ri Dios 28:7

Rat Jehová yinato' y naya' wuchuq'a'. Yin ninkuquba' nuk'u'x awik'in, y roma ri' rat yinato'. Kan janila nikikot ri wánima, y roma ri' yibixan richin ninmatioxij chawe.

Wuj Richin Bix Chire ri Dios 31:14

Jak'a yin kan nukuquban nuk'u'x awik'in rat Jehová, roma kan ja rat at nu-Dios.

Wuj Richin Bix Chire ri Dios 35:24

Tabana' utzil taq'alajirisaj chi yin maneq numak. Tabana' richin man ta xkekikot chuwij.

Wuj Richin Bix Chire ri Dios 37:31

Ri rupixa' ri Dios kan jari' ri ruyakon pa ránima. Roma ri' kan man jun bey nijilijo'.

Wuj Richin Bix Chire ri Dios 4:5

Tisuju' k'a kamelabel rik'in ch'ajch'ojil chuwech ri Dios, y kan tikuquba' k'a ik'u'x rik'in.

Wuj Richin Bix Chire ri Dios 43:1

Nu-Dios yin, taq'ata' tzij pa nuwi', y taq'alajirisaj chi maneq numak. Kinato' k'a chikiwech ri winaqi' ri man yatkitzeqelibej ta, y chikiwech ri kan xaxe q'oloj y ri itzel taq banobel ri yekiben.

Wuj Richin Bix Chire ri Dios 54:1

Nu-Dios yin, tabana' utzil kinakolo' roma ri nimalej abi'. Kan kinato' k'a rik'in ri awuchuq'a'.

Wuj Richin Bix Chire ri Dios 62:2

Kan xaxe k'a rija' ri nutobal y ri nukolotajik. Rik'in rija' ninto-wi-wi' y kan man xkijilijo' ta k'a.

Wuj Richin Bix Chire ri Dios 62:6

Kan xaxe k'a rik'in rija' ninto-wi-wi' y ja rija' ri nikolon wichin. Ja rija' ri nutobal y roma ri' kan man xkijilijo' ta k'a.

Wuj Richin Bix Chire ri Dios 7:8

Jehová ja rat ri yaq'aton-tzij pa kiwi' ri winaqi'. Taq'ata' k'a tzij chuqa' pa nuwi' yin, achi'el ri ruchojmilal ri nuk'aslen.

Wuj Richin Bix Chire ri Dios 94:18

Toq yin xa kan yijilijo' yan, y xich'on awik'in, jari' k'a toq rat Jehová xinato' chi'anin rik'in ri awajowabal ri man k'isel ta.

Wuj Richin Etamabel-Tzij 20:7

Ri chojmilej wineq, kan tz'aqet-wi ri ruk'aslen ruk'uan, kan jebel k'a ruwa-kiq'ij ri ak'uala' ri yeralk'ualaj kan y yek'oje' kan chirij rija'.

Wuj Richin Etamabel-Tzij 29:25

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Hebreos 10:23

Y roj ri qoyoben ri nimalej utzil ri xtuya' ri Dios pa qawi', kan kow k'a qojk'oje' y man kaka' ta qak'u'x chupan ri oyobenri'il ri' ri k'o qik'in, roma ja ri Dios ri xbin chi xtuya' ri nimalej utzil pa qawi', y rija' kan xtuben-wi.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

2 Pedro 1:10

Y roma ri' wach'alal ri ix oyon y ri ix cha'on roma ri Dios, kan titija' iq'ij chi kan niq'alajin ronojel re' chupan ri ik'aslen, richin keri' man yixtzaq ta.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.