Wuj Richin Bix Chire ri Dios 25:5 - Kaqchiquel Bible

⁵ Kinak'uaj y tak'utu' chinuwech ri qitzij, roma kan ja rat ri at nu-Dios ri yakolon wichin. Kan jantape' k'a nukuquban nuk'u'x awik'in.

Wuj Richin Bix Chire ri Dios 25:5 ပူးပေါင်းရင်းမြစ်များ

Wuj Richin Etamabel-Tzij 8:34

Jebel ruwa-ruq'ij ri wineq ri kan yirak'axaj; ri kan q'ij-q'ij k'o-apo chuchi' ri wachoch, ri kan royoben chi nril-el kikoten.

Wuj Richin Bix Chire ri Dios 25:10

Kan jantape' k'a naya' ri utzil y ri qitzij pa kiwi' ri nikitaqej ri apixa'.

Wuj Richin ri Isaías 30:18

Jak'a ri Jehová kan nrajo' nujoyowaj iwech; rija' kan janila nrajo' nuk'ut ri rajowabal chiwech, roma rija' kan jun Dios richin chojmilal. Jebel ruwa-kiq'ij ri kikuquban kik'u'x rik'in ri Jehová.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

San Juan 14:26

Y toq yin man ink'o ta chik iwik'in, ri nata' xtuteq-pe ri Loq'olej Espíritu richin yixruto'. Y ja rija' ri xtik'oje' iwik'in pa nuk'exel. Y kan jak'a chuqa' rija' xkixtijon y xtunataj ronojel ri ch'abel ri e nubin kan yin chiwe.

San Juan 16:13

Jak'a toq xtipe ri Loq'olej Espíritu, kan xkixrutijoj y xkixruyuqej chupan ri qitzij. Rija' kan man pa ruyonil ta k'a xtisamej, roma ri ch'abel k'a ri xtuyala' chiwe, kan jari' k'a ri e nubin-pe chire. Y roma ri' toq rija' xkeruq'alajirisaj yan k'a chiwech ri xkebanatej ri chiwech-apo.

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin ri Nehemías 9:20

Kan xateq k'a pe ri utzilej a-Espíritu richin xerutijoj. Chuqa' kan beneq k'a ruwech xaya' ri kiway ri xpe chila' chikaj toq xenum, y xaya' kiya' toq xchaqi'j kichi'.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

Romanos 8:14

Qonojel ri oj uk'uan k'a roma ri Loq'olej Espíritu richin ri Dios, kan oj ralk'ual chik ri Dios.

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Wuj Richin ri Isaías 49:10

Kan man xkewayjan ta, ni man xtichaqi'j ta kichi'. Chuqa' ri q'ij y ri k'aten kan man jun xtuben chike. Roma yin yenwajo' rije', y roma ri' yin kan xkenyuqej chuchi' ri raqen taq ya'.

Wuj Richin Bix Chire ri Dios 119:66

Kan tak'utu' k'a chinuwech ri utzilej taq ch'obonik y ri na'oj, roma yin kan nukuquban nuk'u'x rik'in ri apixa'.

Wuj Richin Bix Chire ri Dios 107:7

Xeruyuqej k'a chupan jun ch'ajch'oj bey, richin chi xe'apon pa jun tinamit akuchi utz yek'oje-wi.

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Wuj Richin Etamabel-Tzij 23:17

Man jun bey tarayij naben ri rubanobal jun wineq aj-mak, rat xa tarayij naben ronojel q'ij, ri nikiben ri winaqi' ri k'o rukiy ri Dios chikiwech.

Wuj Richin Bix Chire ri Dios 119:97

Yin kan janila ninwajo' ri apixa', kan jari' ri ninquqa' rij chijun q'ij.

San Juan 6:45

Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

Wuj Richin Bix Chire ri Dios 86:3

Tajoyowaj nuwech yin, nimalej Jehová, roma yin kan chijun q'ij k'a yatinwoyoj.

Wuj Richin Bix Chire ri Dios 24:5

Rije' xtikik'ul k'a urtisanik pa ruq'a' ri Jehová. Toq xtiq'at-tzij pa kiwi', ri Dios ri xkolon kichin xtubij chi rije' kan e choj.

Wuj Richin Bix Chire ri Dios 22:2

Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Wuj Richin Bix Chire ri Dios 119:33

Jehová kan tak'utu' k'a chinuwech ri ruchojmilal ri apixa', y kan man xtinmestaj ta k'a chupan chijun ri nuk'aslen.

Wuj Richin Bix Chire ri Dios 119:26

Kan ronojel k'a nuq'alajirisan chawech, y kan in awak'axan. Tak'utu' k'a chinuwech ri apixa'.

Wuj Richin ri Achin Job 36:22

Ri Dios ja rija' ri tijonel ri más ruchuq'a' k'o, kan man jun chik tijonel ri nitikir ta nujunamaj-ri' rik'in rija'.

Wuj Richin Bix Chire ri Dios 68:20

Ri Dios, ri kan qa-Dios roj, jari' ri xtikolon qichin. Ri Jehová ri qajaw, xqojrujech'ej chuwech ri kamik.

Wuj Richin Bix Chire ri Dios 25:8

Rat Jehová kan janila at utz y at choj; kan nak'ut chikiwech ri aj-maki' ri utzilej bey.

Wuj Richin ri Rutikeribel 49:18

Yin kan ninwoyobej k'a ri akolotajik rat Jehová, xcha'.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.