Wuj Richin Bix Chire ri Dios 25:2 - Kaqchiquel Bible

² Nu-Dios yin, kan nukuquban nuk'u'x awik'in. Kan man jun bey ta k'a yik'ixbitej. Kan man taya' q'ij chi ri e etzelanel wichin yekikot chuwij.

Wuj Richin Bix Chire ri Dios 25:2 ပူးပေါင်းရင်းမြစ်များ

Romanos 10:11

Y chupan ri ruch'abel ri Dios nubij chi xabachike k'a ri rukuquban ruk'u'x rik'in, kan man xtik'ixbitej ta.*f31*

Wuj Richin Bix Chire ri Dios 41:11

Richin keri' ri e etzelanel wichin man xkinkich'ek ta. Rik'in k'a re' xtinwetamaj chi kan in qajineq chawech.

Wuj Richin Bix Chire ri Dios 71:1

Jehová, kan awik'in k'a rat nuto'on-wi-wi', man k'a taya' q'ij richin yin yik'ixbitej.

Romanos 5:5

Y wi k'o qik'in re' man niqamalij ta qak'u'x. Y ronojel re' nibanatej roma ri Dios ruya'on ri Loq'olej Espíritu qik'in richin runojisan ri qánima chi ajowabel.

Wuj Richin Bix Chire ri Dios 22:5

Xkik'utuj k'a kito'ik chawe rat y kan xe'akol k'a; Xkikuquba' kik'u'x awik'in y man xek'ixbitej ta.

Wuj Richin Bix Chire ri Dios 142:6

Tabana' utzil tawak'axaj ri nuch'abel, roma kan janila in poqonatajineq. Kinakolo' chikiwech ri e tzeqelibeyon wichin. Roma rije' kan más kuchuq'a' chinuwech yin.

Wuj Richin Bix Chire ri Dios 31:1

Awik'in k'a rat Jehová, nukuquban-nuk'u'x, roma ri' man taya' q'ij richin nisach nuk'u'x. Kinakolo' rik'in ri ruchojmilal ri naben rat.

Wuj Richin ri Isaías 37:35

Yin kan xtinto' re tinamit re', y kan xtinkol, roma kan xinjikiba' nutzij, y chuqa' roma ri wajowabal chire ri David ri nusamajel.

Wuj Richin Bix Chire ri Dios 34:8

Titejtobej y titz'eta' chi kan utz-wi ri Jehová. Jebel ruwa-ruq'ij ri wineq ri nukuquba' ruk'u'x rik'in.

Wuj Richin ri Isaías 26:3

Roma ri Jehová nichajin kichin konojel ri k'o uxlanibel-k'u'x kik'in.

Wuj Richin Bix Chire ri Dios 94:3

Nimalej Jehová, ¿kan jantape' kami xkekikot ri winaqi' ri maneq awejqalen chikiwech? ¿K'a janipe' k'a ri'?

1 Pedro 2:6

Roma ri' nubij chupan ri ruch'abel ri Dios:*f3* chiri' pa Sión kan xtinya' k'a jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. Y xabachike k'a ri rukuquban ruk'u'x rik'in, kan man xtik'ixbitej ta, nicha'.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 37:20

Re wakami k'a, Jehová Dios ri at qichin roj, kan qojakolo' k'a pa ruq'a' ri Senaquerib, richin chi konojel ri winaqi' richin ri ruwach'ulew xtiketamaj chi kan xaxe rat ri Jehová ri atk'o, xcha'.

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 7:1

Jehová nu-Dios, awik'in rat nukuquban nuk'u'x. Kinakolo' k'a pa kiq'a' ri e yakatajineq chuwij.

Wuj Richin Bix Chire ri Dios 22:8

¡Rija' rukuquban ruk'u'x rik'in ri Dios. Wakami kan tikol k'a roma rija', roma kan qajineq chuwech!, yecha'.

Wuj Richin Bix Chire ri Dios 22:1

Nu-Dios yin, nu-Dios yin, ¿achike roma xinamalij kan? ¿Achike roma k'a janila nej atk'o-wi richin nawak'axaj ri nuraqoj-chi'ij y yinakol ta?

Wuj Richin ri Isaías 41:16

Kan xke'italuj-el ri e etzelanel iwichin, achi'el toq nijopij chikaj ri trigo, y kan ja ri kaq'iq' ri xtitalun-el ri q'ayis. Jak'a rix kan jantape' xkixkikot wik'in yin Jehová; y xtik'oje' ri ruwa-iq'ij wik'in yin ri in Loq'olej richin Israel.

Wuj Richin ri Isaías 37:10

Kere' k'a tibij chire ri Ezequías ri rey richin Judá: Man karuq'ol ri a-Dios ri achoq ik'in akuquban-wi ak'u'x, toq nubij chawe chi ri Jerusalem man xtujech ta pa nuq'a' yin.

Wuj Richin ri Isaías 28:16

Roma ri' ri Jehová nubij: Kan xtinya' chiri' pa Sión jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. y xtitike' kan jebel. Y xabachike k'a ri rukuquban ruk'u'x rik'in, kan man jun xtiberuk'uluwachij.

Wuj Richin Bix Chire ri Dios 56:1

Nu-Dios, tabana' utzil tajoyowaj nuwech, roma kan ek'o winaqi' ri e tzeqelibeyon wichin. Kan chaq jantape' k'a in kitzeqeliben y yinkiya' pa k'ayew.

2 Crón 13:18

Keri' k'a xkiben ri aj-Israel toq xqasex kiq'ij chupan ri q'ij ri'. Y ri aj-Judá xkik'ut-ki' chi kan k'o-wi kuchuq'a' roma kan xkitaqej y xkikuquba' kik'u'x rik'in ri Jehová ri Dios kichin kan ri kati't-kimama'.

Wuj Richin Bix Chire ri Dios 13:5

Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

Wuj Richin Bix Chire ri Dios 31:2

Tabana' utzil kinawak'axaj, y kinakolo' chi'anin. Kinawewaj k'a chikiwech ri e etzelanel wichin achi'el xa ta ninwewaj-wi' chirij jun nimalej abej. Kan ja rat k'a ri at nutobal richin yikolotej.

Wuj Richin Bix Chire ri Dios 31:15

Pan aq'a' k'a rat k'o-wi ri nuk'aslen. Kinakolo' k'a chikiwech ri e etzelanel wichin, y ri kan chaq in kitzeqeliben.

Wuj Richin Bix Chire ri Dios 91:2

Yin kan ninbij k'a chire ri Jehová, chi ja rija' ri nutobal. Rija' kan achi'el jun jay ri sutin-rij chi tz'aq ri akuchi ninto-wi-wi'. Ja rija' nu-Dios ri kan nukuquban nuk'u'x rik'in.

Wuj Richin ri Jeremías 17:18

Kan ke'ak'ixbisaj k'a ri e tzeqelibeyon wichin y man ja ta yin ri xkik'ixbitej. Kan ja ta k'a rije' ri xtikixibij-ki' chawech y man ja ta yin. Kan taya' k'a pe ri ruk'ayewal pa kiwi' rije' y kan ke'ak'isa' jumul, xicha' chire.