Wuj Richin Bix Chire ri Dios 24:8 - Kaqchiquel Bible

⁸ ¿Achike k'a ri' ri rey ri k'o ruq'ij? Ja ri Jehová ri kan janila ruchuq'a' y kan man jun k'a xibinri'il rik'in. Ja ri Jehová ri kan nich'akon chupan ri oyowal.

Wuj Richin Bix Chire ri Dios 24:8 ပူးပေါင်းရင်းမြစ်များ

Apocalipsis 6:2

Y kan jari' xbek'ulun-pe jun seq rij kiej, ch'okoliben roma jun ri ruk'uan jun k'aqbel ch'ab. Xjach k'a jun ru-corona roma kan ch'akowineq chik y xel-el richin nibech'akon chik.

Ex 15:3

Rat Jehová at nimalej aj-labal; Ja rat ri Jehová abi'.

Colosenses 2:15

Y rik'in ri' xq'alajin chi ri Cristo k'o más ruchuq'a' chikiwech ri ángel, y ri k'o uchuq'a' pa kiq'a' ri ek'o pa kaq'iq'. Toq xken chuwech cruz, xuqasaj kiq'ij y xeruxim-el konojel richin xetzeqe-el chirij achi'el xeruchop-pe pan oyowal.

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.