Wuj Richin Bix Chire ri Dios 24:10 - Kaqchiquel Bible

¹⁰ ¿Y achike ri' ri rey ri k'o ruq'ij? Ja ri Jehová ri k'o ronojel uchuq'a' pa ruq'a', Ja rija' ri rey ri k'o ronojel ruq'ij.

Wuj Richin Bix Chire ri Dios 24:10 ပူးပေါင်းရင်းမြစ်များ

Tito 2:13

Roma qoyoben ri q'ij toq xtipe chik jun bey, y xtiq'alajin ri ruq'ij-ruk'ojlen ri nimalej qa-Dios Jesucristo ri qakolonel.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

San Juan 14:9

Jak'a ri Jesús xubij chire: Felipe, ¿man jani awetaman nuwech? Yin, kan k'o yan k'a juna' kik'oje-pe iwik'in. Ri tz'eteyon wichin yin, rutz'eton k'a chuqa' ri nata'. ¿Achike k'a roma toq rat nabij chi nink'ut ri nata' chiwech?

San Juan 12:40

Ri Dios kan rubanon k'a chike rije' chi man yetzu'un ta y kowirineq ri kánima roma man nrajo' ta chi rije' xtikitz'et ri rubanobal, y chuqa' xtikak'axaj ri ruch'abel, y xtikitzeqelibej ta chik. Y man nrajo' ta chi xkeruk'achojirisaj, xcha'.

San Mateo 25:31

Y toq yin ri xiqaqa-pe achi'el wineq chi'ikojol xkipe chik k'a, kan rik'in chik k'a nuq'ij-nuk'ojlen; y chuqa' kan konojel k'a ri ángel xkepe wik'in. Y jari' k'a toq yin xkitz'uye' pa nutz'uyubal richin ri nuruwaq'ijaj.

San Lucas 9:26

Man jun k'a wineq tik'ix nuq'alajirisaj chi in runiman yin y ri nuch'abel chike ri winaqi' richin re wakami, ri xa man nikinimaj ta ri Dios y kan e aj-maki-wi. Roma yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri loq'olej taq ángel. Wi k'o jun ri nik'ix nubij keri' chike ri winaqi', yin chuqa' xkik'ix ninbij chi ri jun wineq ri' wichin yin.