Wuj Richin Bix Chire ri Dios 23:5 - Kaqchiquel Bible

⁵ Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

Wuj Richin Bix Chire ri Dios 23:5 ပူးပေါင်းရင်းမြစ်များ

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Wuj Richin Bix Chire ri Dios 92:10

Jak'a yin kan xtaya' más wuchuq'a', achi'el ri ruchuq'a' ri juyubel bóyix. Xtaqasaj k'a aceite pa nuwi', retal richin kikoten.

Wuj Richin Bix Chire ri Dios 45:7

Kan niqa' k'a chawech ri ruchojmilal y ri etzelal kan nawetzelaj; Roma ri' kan xarucha' ri qa-Dios, kan xarunojisaj k'a rik'in kikoten, más ke chikiwech ri awachibil.

Wuj Richin Bix Chire ri Dios 16:5

Yin kan ja ri Jehová ri xinwichinaj kan, pa ruq'a' k'a rija' k'o-wi ri nuk'aslen.

Wuj Richin ri Achin Job 36:16

Y ri Dios xarukol-pe, rat Job, chupan ri ruk'ayewal ri akuchi xak'oje-wi, xaruya' pa kikoten, y k'ari' xana' chi kan utz atk'o; ri pa ruwi' ri a-mesa kan xenuk'e' ronojel ri xk'atzin chawe.

1 Juan 2:20

Jak'a rix kan xik'ul yan ri Loq'olej Espíritu roma ri Cristo. Y chuqa' iwetaman chik ri qitzij.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

2 Corintios 1:21

Y ja ri Dios ri banayon chi rix y roj xaxe jun qabanon rik'in ri Cristo, y ja ri Dios chuqa' ri xojcha'o.

1 Corintios 10:16

Toq niqanataj ri rukamik ri Cristo rik'in ri vino, kan niqamatioxij k'a chire ri Dios chi rik'in ri vino ri' niqak'ut chi xa jun qabanon rik'in ri Cristo roma ri rukik'el. Y keri' chuqa' toq niqatej ri wech'on kaxlan-wey, kan niqak'ut k'a chi xa jun qabanon rik'in ri Cristo roma ri ruch'akul ri kan achi'el xwech' qoma roj.

San Juan 16:22

Kan keri' k'a rix; wakami k'o bis ri pa taq iwánima, jak'a xa kan yipe chik iwik'in jun bey richin yixintz'et. Y jari' k'a toq xtitzolin chik pe ri kikoten ri pa taq iwánima, y ri' kan man jun chik xtitikir xtelesan iwik'in.

Wuj Richin Bix Chire ri Dios 104:15

naben chi k'o ri vino ri nibanon chi nikikot ri ránima ri wineq; ri aceite ri nibanon chi jebel nitzu'un ri wineq; keri' chuqa' ri wey ri chapayon richin.

Wuj Richin ri Isaías 25:6

Ri Jehová k'iytisanel richin ronojel kan xtuberuchojmirisaj k'a jun nimaq'ij chiri' pa juyu' Sión, kichin konojel winaqi' ri ek'o chuwech re ruwach'ulew. Kan xtuya' jebelej taq vino ri kan e cha'on, y jebelej taq ti'ij.

Wuj Richin Bix Chire ri Dios 116:13

Xtinsuj k'a vino chire richin jun sipanik, richin matioxinik.

Wuj Richin Bix Chire ri Dios 22:26

Ri kiqasan-ki' chawech kan xtikitej k'a ri kiway y kan xtinoj k'a kipan. Ri yekanon awichin, kan xtikiya' k'a aq'ij y xkek'ase' k'a richin jantape'.

Wuj Richin Bix Chire ri Dios 78:19

Xech'on chirij ri Dios y xkibij: ¿Nitikir kami ri Dios nuya' qaq'utun wawe' pa tz'iran ruwach'ulew?

San Lucas 7:46

Rat chuqa' man xaq'ej ta juba' aceite pa nujolon toq xinok-pe. Jak'a re ixoq re', kan jubulej aq'om ri xuyala' chirij re waqen.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Wuj Richin Bix Chire ri Dios 22:29

Konojel ri e beyoma' kan xkexuke' chawech y xtikiya' aq'ij, roma konojel re winaqi' re' xa kan xke'ok chik poqolaj, y kiyon rije' kan man yetikir ta nikiya-qa kik'aslen.

San Mateo 6:17

Jak'a toq rix yixmewayin, xa kan jebel tich'aja' ipalej, tiya' juba' jubulej aq'om chiwij y jebel tijika' ri rusumal-iwi'.

Wuj Richin Bix Chire ri Dios 92:11

Yin kan xintz'et k'a ri xkik'uluwachij ri e etzelanel wichin. Kan xinwak'axaj k'a toq yesik'in ri e yakatajineq chuwij.