Wuj Richin Bix Chire ri Dios 23:2 - Kaqchiquel Bible

² Chiri' akuchi k'o-wi ri rex taq q'os, chiri' yiruya-wi richin yinuxlan. Chunaqaj k'a kokoj raqen taq ya', chiri' yiruyuq'uj-wi.

Wuj Richin Bix Chire ri Dios 23:2 ပူးပေါင်းရင်းမြစ်များ

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Wuj Richin Bix Chire ri Dios 46:4

K'o k'a jun raqen-ya' ri pa rutinamit ri Dios, ri nuben chi kan nik'ases nitzu'un, chiri' chupan ri rachoch ri akuchi k'o-wi rija'.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Wuj Richin ri Achin Job 34:29

Wi ri Dios nik'oje' kan choj keri' y man jun nuben richin yeruto' ri winaqi', ¿k'o kami nitikir nich'ojin chire? Wi ta nrewaj ruwech, ri winaqi' kan man jun chik xtito'on kichin. Rija' kan rutz'uliben k'a stape' ta jun tinamit o xaxe jun wineq.

Wuj Richin ri Isaías 8:6

Ri awinaq man nikajo' ta ri raqen-ya' Siloé ri kan eqal nibiyin, jak'a yekikot kik'in ri Resín y ri Pécah.

Ex 15:27

Y xe'el k'a el ri chiri' y xe'apon akuchi e tikil-wi oxk'al lajuj palma, y roma ri' rubini'an Elim. Y chiri' ek'o chuqa' kablajuj ralaxbel-ya' y chiri' chikinaqaj ri ya' xek'oje-wi-qa.