Wuj Richin Bix Chire ri Dios 22:8 - Kaqchiquel Bible

⁸ ¡Rija' rukuquban ruk'u'x rik'in ri Dios. Wakami kan tikol k'a roma rija', roma kan qajineq chuwech!, yecha'.

Wuj Richin Bix Chire ri Dios 22:8 ပူးပေါင်းရင်းမြစ်များ

Wuj Richin ri Achin Job 16:4

Yin chuqa' yitikir ta yich'on achi'el ri yixch'on rix, xa ta yin ink'o ta pan ik'exel y rix ixk'o ta pa nuk'exel yin. Kan yitikir ta ninbij ronojel ri ch'abel ri xibij yan qa rix, y kan ninsiloj ta apo nujolon chiwech roma ninna' chi wetaman ronojel.

Wuj Richin Bix Chire ri Dios 109:25

Yin xa kan xinok k'a chike ri winaqi' jun in yakol tze'en. Rije' yinkitzu', yetze'en y nikisilola' ri kijolon chuwij.

Wuj Richin Bix Chire ri Dios 18:19

Ja ri Jehová xikolon y xiruya' ri akuchi kan janila jebel. Roma kan janila yirajo' xirelesaj chupan ri ruk'ayewal.

Wuj Richin Bix Chire ri Dios 37:5

Tajacha' ri ak'aslen pa ruq'a' ri Jehová, y takuquba' ak'u'x rik'in rija', y rija' xkaruto'.

Wuj Richin Bix Chire ri Dios 42:10

Ri q'axo'n ri nikiya' chuwe ri e etzelanel wichin kan k'a chupan ri nubaqil napon-wi. Ronojel q'ij nikik'utula' chuwe akuchi k'o-wi ri nu-Dios.

Wuj Richin Bix Chire ri Dios 55:22

Taya' pa ruq'a' ri Jehová ronojel ri ruk'ayewal ri k'aslen, y rija' xtuben chawe chi kow xkak'oje'; roma rija' man xtuya' ta q'ij chi ri choj ruk'aslen xtitzaq jumul.

Wuj Richin Bix Chire ri Dios 71:11

y nikibij: Ri Dios xa xumalij yan kan; tiqoqotaj y tiqachapa', roma xa man jun xtikolon pa qaq'a', yecha'.

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

Wuj Richin Etamabel-Tzij 16:3

Kan pa ruq'a' k'a ri Jehová tajacha-wi ronojel samaj ri nawajo' natikiriba'; richin chi ronojel ri ach'obon chi naben, kan yek'achoj-wi k'a.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

San Mateo 12:18

Jare' ri nusamajel, ja rija' ri xincha', ri kan janila ninwajo' y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri winaqi' richin ri ruwach'ulew.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Lucas 23:35

Ri Jesús tzuliben k'a apo koma janila winaqi' y koma chuqa' ri achi'a' ri kan yeq'aton-wi-tzij. Y konojel k'a re winaqi' re' nikitze'ej-apo, y nikibila': Rija' e k'iy xerukol. Wakami tukolo' k'a ri' ruyon, wi kan qitzij chi ja rija' ri Cristo ri cha'on roma ri Dios, yecha'.