Wuj Richin Bix Chire ri Dios 22:26 - Kaqchiquel Bible

²⁶ Ri kiqasan-ki' chawech kan xtikitej k'a ri kiway y kan xtinoj k'a kipan. Ri yekanon awichin, kan xtikiya' k'a aq'ij y xkek'ase' k'a richin jantape'.

Wuj Richin Bix Chire ri Dios 22:26 ပူးပေါင်းရင်းမြစ်များ

Wuj Richin Bix Chire ri Dios 69:32

Toq xtikitz'et re' ri e poqonatajineq kan xkekikot. Konojel ri winaqi' ri nikikanoj ri Dios, kan xtikikot ri kánima.

Wuj Richin ri Isaías 65:13

Roma ri' yin Jehová kere' ninbij: Ri nusamajela' kan jebel k'a xkewa-xke'uk'ya', jak'a rix ri ix aj-maki' man jun xtiwil. Rije' kan jantape' k'a xkekikot, jak'a rix kan xkixk'ixbitej.

Wuj Richin Bix Chire ri Dios 40:16

Jak'a ri yekanon awichin, kan kekikot y kenimaq'ijun awik'in rat. Y konojel ri yematioxin roma ri kolotajik kan jantape' xtikinimirisaj ri abi'.

Wuj Richin ri Isaías 25:6

Ri Jehová k'iytisanel richin ronojel kan xtuberuchojmirisaj k'a jun nimaq'ij chiri' pa juyu' Sión, kichin konojel winaqi' ri ek'o chuwech re ruwach'ulew. Kan xtuya' jebelej taq vino ri kan e cha'on, y jebelej taq ti'ij.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

Wuj Richin Bix Chire ri Dios 107:9

Roma rija' nuya' kiya' ri nichaqi'j kichi', y kan nuya' kiway ri yewayjan.

1 Crón 29:10

K'ari' ri rey David chikiwech ri winaqi' ri kimolon-ki' chiri' xunimirisaj rubi' ri Jehová, y xubij: ¡Nim ruwa-aq'ij rat Jehová ri qa-Dios tibe-q'ij tibe-seq! Nim ruwa-aq'ij rat ri chuqa' ri ru-Dios ri qatata' Israel.

Wuj Richin Bix Chire ri Dios 40:10

Kan man xinya' ta kan re' xaxe ta wichin yin, jak'a xinwelesaj rutzijol chi rat yojakol y man yojamalij ta kan. Man jun bey k'a xinwewaj chikiwech ri winaqi' ri qitzijri'il y ri awajowabal ri man k'isel ta.

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

Wuj Richin Bix Chire ri Dios 116:14

Wakami kan xtinben k'a ri nusujun chire ri Jehová, y xkinkitz'et k'a konojel ri nuwinaq.

Wuj Richin Bix Chire ri Dios 116:18

Wakami kan xtinben k'a ri nusujun chawe, y xkinkitz'et k'a konojel ri nuwinaq,

Wuj Richin ri Jonás 2:10

Y ri Jehová xuteq k'a el ri ker chi xberuxa' kan ri Jonás chuchi' ri palou.