Wuj Richin Bix Chire ri Dios 22:24 - Kaqchiquel Bible

²⁴ Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Richin Bix Chire ri Dios 22:24 ပူးပေါင်းရင်းမြစ်များ

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Wuj Richin Bix Chire ri Dios 118:5

Kan chupan k'a ri nuq'axo'n xinnataj rubi' ri Jehová, y rija' kan xirak'axaj k'a, y xirukol.

Wuj Richin Bix Chire ri Dios 34:6

Yin ri kan in poqonatajineq xisik'in, y kan xinak'axex k'a roma ri Jehová. Y rija' kan xirelesaj k'a chupan ronojel ri tijoj-poqonal.

Wuj Richin Bix Chire ri Dios 22:2

Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Wuj Richin Bix Chire ri Dios 22:6

Jak'a yin xa kan man in wineq ta chik chikiwech ri ch'aqa' chik. Xa kan in achi'el chik k'a jun jut chikiwech. Y kan in ketzelan k'a ri winaqi' richin ri tinamit.

San Lucas 23:46

Kan jari' toq ri Jesús rik'in k'a ruchuq'a' xubij: Nata' Dios, pan aq'a' k'a ninjech-wi ri wánima, xcha'. Y kan xaxe k'a xubij kere', kan jari' xken-qa.

Wuj Richin Bix Chire ri Dios 69:17

Man tawewaj-awi' chinuwech, yin ri in asamajel, roma ink'o pa nimalej bis; tabana' utzil kinawak'axaj chi'anin.

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.