Wuj Richin Bix Chire ri Dios 22:23 - Kaqchiquel Bible

²³ Rix nuwinaq ri k'o rukiy ri Jehová chiwech, kan tiya' k'a ruq'ij.

Wuj Richin Bix Chire ri Dios 22:23 ပူးပေါင်းရင်းမြစ်များ

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Wuj Richin Bix Chire ri Dios 115:11

Ri k'o rukiy ri Jehová chikiwech, kan tikikuquba' kik'u'x rik'in. Ja rija' ri to'onel y chajinel kichin.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

San Lucas 2:20

Ri yuq'unela' xetzolej k'a. Nikiyala' ruq'ij-ruk'ojlen ri Dios y nikinimirisala' ri rubi', roma ronojel ri xkitz'et y kan xkak'axaj achi'el ri xubij kan ri ángel.

Wuj Richin ri Isaías 25:3

Roma ri' ri winaqi' ri xk'oje' kuchuq'a', kan nikiya' aq'ij. Chuqa' ri winaqi' richin ri tinamit ri kan janila e itzel, xk'oje' akiy chikiwech.

Wuj Richin Bix Chire ri Dios 145:19

Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 115:13

Xkerurtisaj k'a ri k'o rukiy ri Jehová chikiwech, chi ch'uti'q chi nima'q.

Wuj Richin Bix Chire ri Dios 106:5

richin kan xtintz'et k'a ri utzilej k'aslen kik'in ri ch'aqa' chik ri e acha'on; y richin yikikot kik'in ri kan e awichin rat.

Wuj Richin Bix Chire ri Dios 86:12

Kan rik'in ronojel wánima xtinbixaj ri abi' Jehová, nu-Dios yin. Kan xtinnimirisaj k'a aq'ij tibe-q'ij tibe-seq.

Wuj Richin Bix Chire ri Dios 33:8

Tik'oje' k'a rukiy ri Jehová chiwech chupan chijun ri ruwach'ulew. Tiya' ruq'ij rix winaqi' ri ixk'o chuwech re ruwach'ulew.

Wuj Richin Bix Chire ri Dios 22:30

Chuqa' ri jun chik sol winaqi' kan xtikiya' aq'ij rat Jehová, kan xtikitzijoj k'a ri abanobal rat, chike ri e kijatzul chik rije'.

Wuj Richin Bix Chire ri Dios 26:12

Yin kan in jikil chawech, roma ri' kan xtinya' aq'ij chikiwech ri nuwinaq.

Wuj Richin Bix Chire ri Dios 35:18

Keri' yin kan xkimatioxin k'a chawe chikiwech ri kimolon-ki'. Xtinya' k'a aq'ij chikikojol ri janila chi tinamit.

Wuj Richin Bix Chire ri Dios 109:30

Jak'a yin kan jantape' xtinnimirisaj ruq'ij ri Jehová. Xtinya' k'a ruq'ij chikikojol ri janila chi winaqi'.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.