Wuj Richin Bix Chire ri Dios 22:2 - Kaqchiquel Bible

² Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Wuj Richin Bix Chire ri Dios 22:2 ပူးပေါင်းရင်းမြစ်များ

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Wuj Richin Bix Chire ri Dios 42:3

Kan chi paq'ij chi chaq'a' k'a yinoq' chawech rat. Ri woq'ej jari' ri nuway. Jak'a ri winaqi' chaq palik nikibij chuwe: ¿Akuchi k'a k'o-wi ri a-Dios richin yaruto'?

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

2 Timoteo 1:3

Yin yimatioxin chi paq'ij chi chaq'a' chire ri Dios, ri nusamajin-pe rik'in jun ch'ajch'ojilej wánima, achi'el xkiben ri qati't-qamama' roj judío; kan jantape' yich'on rik'in pan awi' rat.

1 Tesalonicenses 3:10

Y chuqa' chi paq'ij chi chaq'a' niqak'utuj chire ri Dios, chi xqojtikir ta xqojapon iwik'in, richin keri' yojtikir yixqato' rik'in ri kuqubabel-ik'u'x.

San Lucas 6:12

Chupan ri ruq'ijul ri', ri Jesús xbe k'a pa ruwi' jun juyu' richin xbech'on rik'in ri Dios. Y junaq'a' k'a xk'ase' chi ch'owen rik'in rija'.

San Mateo 26:44

Ri Jesús xeruya' chik k'a kan jun bey y xbe chik chi ch'owen rik'in ri Dios. Oxi' yan bey ri' ri tuben keri'. Rija' xukamuluj chik rubixik ri ch'owen rik'in ri Dios achi'el ri k'a juba' tuben-qa.

Wuj Richin ri K'uxla'anik 3:44

Xapis k'a awi' chupan jun sutz' richin chi man xapon ta q'anej ri qach'owen awik'in.

Wuj Richin ri K'uxla'anik 3:8

Stape' yisik'in richin nink'utuj to'onik, jak'a ri Jehová kan man nrak'axaj ta ri nuch'abel.

Wuj Richin Bix Chire ri Dios 80:4

Jehová, Dios k'iytisanel richin ronojel, ¿K'a janipe' k'a nik'o-qa ri awoyowal chirij ri qach'owen?