Wuj Richin Bix Chire ri Dios 22:16 - Kaqchiquel Bible

¹⁶ Ri e banoy taq etzelal e yakatajineq chuwij, achi'el jun tzobaj tz'i' ri janila e k'a'el. Kan kisutin k'a wij richin nikiwech' ri nuq'a' y ri waqen.

Wuj Richin Bix Chire ri Dios 22:16 ပူးပေါင်းရင်းမြစ်များ

Wuj Richin Bix Chire ri Dios 22:1

Nu-Dios yin, nu-Dios yin, ¿achike roma xinamalij kan? ¿Achike roma k'a janila nej atk'o-wi richin nawak'axaj ri nuraqoj-chi'ij y yinakol ta?

Wuj Richin Bix Chire ri Dios 22:20

Takolo' ri wánima chuwech ri kamik. Chuwech ri kuchuq'a' ri itzel taq tz'i', takolo' ri nuk'aslen.

Wuj Richin Bix Chire ri Dios 38:11

Ri wachpochel y ri wachibil kan in kiyonoban kan roma ri ch'a'k ri k'o chuwij. Chuqa' ri wach'alal kan nej xek'oje-wi chuwe yin.

Wuj Richin Bix Chire ri Dios 59:14

Kepe k'a ri pa taq tiqaq'ij y kan keba'on achi'el tz'i'; kan kebiyajlan chupan chijun ri tinamit.

Wuj Richin Bix Chire ri Dios 59:6

Re winaqi' re', ri pa taq tiqaq'ij yepe y kan yeba'on achi'el tz'i', yebiyajilan chupan chijun ri tinamit, nikikanoj achoq ik'in nikiben oyowal.

Wuj Richin Bix Chire ri Dios 86:14

Ri winaqi' ri kan janila e nima'q nikina-ki' kan e yakatajineq k'a chuwij, ri e itzel taq winaqi' kan kiya'on k'a chikiwech chi yinkikamisaj; rije' kan man yatkik'ulubej ta rat chire ri nikiben.

Wuj Richin ri Isaías 53:5

Jak'a rija' xsokotej roma ri qayakatajinenri'il roj, y kan xke'ex ri ruch'akul roma ri qamak. Ri rutojbalil ri qamak roj xa pa ruwi' rija' xqaqa-wi, richin xk'oje' uxlanenri'il pa qawi'. Y roma ri sokotajik ri xuk'uaj rija', roj xojaq'omatej.

Wuj Richin ri Jeremías 12:6

Roma ri e awach'alal y ri e aj pan awachoch ja jun rije' xatkiq'ol. Ja jun rije' nikireq kichi' richin yech'on itzel chawij. Man takuquba' ak'u'x kik'in, stape' nikibij jebel taq ch'abel chawe, xcha' chuwe.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

San Mateo 26:57

Ri xebechapo-pe richin ri Jesús chiri' pa Getsemaní, xkik'uaj k'a pa rachoch ri Caifás, ri nimalej sacerdote. Y chuqa' chiri' ek'o-wi ri etamanela' chirij ri pixa' y achi'a' ri kan k'o-wi kiq'ij.

San Mateo 27:35

Toq ri aj-labal kibajin chik ri Jesús chuwech ri cruz, xkiya' pan etz'anen ri rutziaq richin xkitz'et achike chi tzieq ri nikik'uala-el chikijujunal. Y rik'in ri' kan nibanatej k'a ri bin kan roma ri jun q'alajirisey ruch'abel ri Dios.*f41*

San Mateo 7:6

Ronojel ri e jachon chik chuwech ri Dios, man ke'iya' chike ri tz'i', roma rije' xa xkepe chiwij rix. Y man tiya' chike ri aq, ri k'o janila rejqalen, roma xa xtikibech chi'aqen.

Marcos 15:24

Toq kibajin chik ri Jesús chuwa ri cruz, xkiya' k'a pan etz'anen ri rutziaq richin xkitz'et achike chi tzieq ri nikik'uala-el chikijujunal.

San Lucas 23:23

Jak'a ri winaqi' y ri aj-raqen kichin ri sacerdote, kan rik'in k'a uchuq'a' nikik'utuj-apo chi tikamisex ri Jesús chuwech cruz y kan xkipaba' k'a ki' chi jari' ri nikajo'.

San Lucas 23:33

Toq xe'apon k'a chupan ri jun juyu' rubini'an Baq Richin Jolomaj, xkibajij k'a ri Jesús chuwa ri ru-cruz, y keri' chuqa' ri e ka'i' eleq'oma'. Jun xpabex pa rijkiq'a', y ri jun chik pa rajxokon.

San Juan 19:23

Jak'a ri aj-labal ri xebajin richin ri Jesús chuwa ri cruz, toq rije' e k'achojineq chik kan chire ri', xebekik'ama' k'a pe ri rutziaq ri Jesús; tzieq ri e kelesan kan chirij. Re tzieq re' xkijech chikiwech rije'. Kaji' k'a xkiben chire, roma e kaji' rije'. Xa jak'a ri jun tzieq ri nim raqen ri maneq rutz'isbal. Kan pa rukemik ri xa jun rubanik.

San Juan 19:34

Man rik'in ri' jun chike rije' xuju' ri rutza'n ri rukum pa ruk'alk'a'x ri Jesús, y kan jari' k'a toq xbe'el-pe kik' y ya'.

San Juan 19:37

Y chupan ri ruch'abel ri Dios, kan k'o chik k'a jun ri tz'ibatel kan chirij ri Jesús, y nubij:*f24* Kan xtikitzu-wi k'a ri jun ri xkiju' jun kum pa ruch'akul, nicha'.

San Juan 20:25

Chirij ri' ri tijoxela' ri e rachibil ri Tomás xkibij chire: Roj xqatz'et ri ajaw Jesús, xecha'. Jak'a rija' xa xubij chike: Wi man nintz'et ta ri sokotajik ri xeruk'uaj ri ruq'a' koma ri clavo y man ninju' ta ri nuq'a' pa ruk'alk'a'x ri xwopotej roma ri kum, man xtinnimaj ta, xcha'.

San Juan 20:27

Kan jari' k'a xubij chire ri Tomás: Taju-pe ri ruwi-aq'a' wawe' y ke'atzu' re nuq'a' e sokotajineq. Taya-pe la aq'a' pa nuk'alk'a'x y taju-pe chupan re sokotajik ri xuben ri kum. Kan tanimaj k'a, y man taben chi man nanimaj ta, xcha'.

Filipenses 3:2

Kan tichajij k'a iwi' chikiwech ri nuwinaq ri xaxe nokibana' itzel taq banobel. Yin ninch'ob chi rije' achi'el ri e itzel taq tz'i'. Rije' nikibij chi richin nikolotej jun wineq, kan nik'atzin chi niqupix richin jun retal chi niq'alajin chi richin ri Dios.*f3*

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.