Wuj Richin Bix Chire ri Dios 22:15 - Kaqchiquel Bible

¹⁵ Ri pa nuchi' kan chaqi'j-chaqi'j k'a, kan achi'el ri poqolaj. Ri waq' kan xutz'om k'ari' ri pa nuja'j, roma ri' kan nintz'et k'a ruwech ri nukamik.

Wuj Richin Bix Chire ri Dios 22:15 ပူးပေါင်းရင်းမြစ်များ

San Juan 19:28

Roma ri Jesús kan retaman chik k'a chi ronojel xk'achoj yan y kan k'o chi nibanatej na ronojel ri tz'ibatel kan chupan ri ruch'abel ri Dios, roma ri' xubij: Nichaqi'j nuchi', xcha'.

Wuj Richin Bix Chire ri Dios 69:3

Xikos yan janila, roma yisik'in chuk'utuxik to'onik, ri nuqul kan niq'axon chik, y xjasjo' yan. Ri runaq'-nuwech chuqa' nik'is yan qa ruchuq'a', roma yatinkanoj rat nu-Dios.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Wuj Richin Bix Chire ri Dios 69:21

Chupan ri nuway xkixol kamisanel aq'om, y toq xchaqi'j nuchi', xa xkiya' k'ayilej-vino chuwe.

Wuj Richin Bix Chire ri Dios 38:10

Ri wánima kan janila k'a nitino y ri wuchuq'a' kan maneq chik, y chuqa' kan man yitzu'un ta chik.

1 Corintios 15:3

Ri ch'abel ri xink'ul yin, ri kan janila rejqalen, kan ja chuqa' ch'abel ri' ri xintzijoj chiwe rix; chi ri Cristo xken roma ri qamak, kan achi'el ri tz'ibatajineq kan chupan ri ruch'abel ri Dios.

Wuj Richin Bix Chire ri Dios 104:29

Wi rat nawewaj-awi', rije' kan nisach kik'u'x. Toq nawelesaj ri uxla' kik'in, rije' xa kan yeken-qa. Y xa kan yetzolej chik pa poqolaj.

San Mateo 27:50

Jak'a ri Jesús xch'on chik rik'in ronojel ruchuq'a', y xujech ri ránima pa ruq'a' ri Dios, y xken.

Wuj Richin Etamabel-Tzij 17:22

Chire ri wineq nuk'en-pe raxnaqil, toq ri ránima kan nikikot; jak'a ri wineq ri xa nibison ránima, xa jari' ri nikamisan-el richin.

Wuj Richin ri Achin Job 29:10

Ri achi'a' ri kan k'o más kiq'ij yetane' richin yewolol. Y keri' man xkik'is ta rubixik ri kich'abel.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Wuj Richin ri K'uxla'anik 4:4

Ri taq ak'uala' kan janila chaqi'j kichi', y roma ri' ri kaq' kan nutz'om-ri' pa taq kichi'. Rije' kan janila yenum, jak'a kan man jun niya'on juba' kiway.

Wuj Richin Bix Chire ri Dios 30:9

Xinbij k'a: ¿Achike ta k'a xtuk'en-pe ri nukamik? ¿Achike k'a xtuk'en-pe toq in muqun chik kan? ¿Kan xkitikir kami xtinya' aq'ij toq xa in poqolaj chik? ¿Kan xtitikir kami ri poqolaj ri' xtutzijoj chi man yinamalij ta kan?

Wuj Richin ri Achin Job 34:15

xa kan konojel k'a pa jun bey yeken-el, y konojel ri winaqi' ri', xa kan xke'ok chik ulew jun bey.

Wuj Richin ri Achin Job 10:9

Toqaqa chi'ak'u'x, chi rat jun k'olaj ch'abeq ri xakusaj, richin xaben re achike nubanik, y wakami xa nawajo' chik naben poqolaj chuwe.

Wuj Richin ri Rutikeribel 18:27

Jak'a ri Abraham xubij chire: Yin xa in poqolaj y xa in ulew y jun k'ixbel ninben chawech y rat kan at jun k'aslik Dios.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin ri Achin Job 7:21

¿Achike roma man yinakuy wi ximakun chawech, y namestaj chi kan in aj-mak-wi? Roma yin xa xkiken-el y xkibe kan pan ulew, y toq rat xkinakanoj, xa in maneq chik, xcha' ri Job.

2 Sam 14:14

Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

Wuj Richin ri Achin Job 19:20

Yin xa xik'is-xik'is yan qa jumul; xaxe chik ri nutz'umal ri k'o chirij ri nubaqil. Ri nutijul ri k'a k'o na, xaxe chik ri ti'ij ri akuchi e tikil-wi ri wey.

Wuj Richin ri Achin Job 30:16

Wakami kan maneq chik rayibel wik'in richin chi in k'es, roma kan q'ij-q'ij chik ink'o pa ruq'a' ri tijoj-poqonal.