Wuj Richin Bix Chire ri Dios 22:14 - Kaqchiquel Bible

¹⁴ Ri wuchuq'a' kan xk'is yan k'a qa, achi'el nik'is ri ya' toq nitix pan ulew. Ronojel k'a ri nubaqil kan xe'el yan pa kik'ojelibal. Kan maneq chik oyobenri'il chuwe yin. Xa xk'is yan qa achi'el nik'is ri cera toq nimeq'e'.

Wuj Richin Bix Chire ri Dios 22:14 ပူးပေါင်းရင်းမြစ်များ

Wuj Richin ri Achin Job 16:10

Ri winaqi' xkijeq k'a pa kichi' chuwij yin; xkaqer k'a ri nupalej roma xinkik'ixbisaj. Kan konojel k'a xkimol-ki' chuwij.

Wuj Richin ri Achin Job 23:16

Ri Dios kan rubanon chik k'a chuwe chi in jun achin xibiy-wi', y roma rija', ri k'o ronojel uchuq'a' pa ruq'a', kan achike na nuben ri nupan roma xibinri'il.

Wuj Richin ri Achin Job 30:16

Wakami kan maneq chik rayibel wik'in richin chi in k'es, roma kan q'ij-q'ij chik ink'o pa ruq'a' ri tijoj-poqonal.

Wuj Richin Bix Chire ri Dios 22:17

Yin kan nintz'et chik qa ronojel ri nubaqil. Y roma ri' ri winaqi' kan chaq in kitzuliben y yinkiyojobej.

Wuj Richin Bix Chire ri Dios 31:10

Kan xirijix yan qa roma q'axo'n; ri k'iy nujuna' nuben chuwe chi xaxe chik yijiq'ijo'x. Ri wuchuq'a' kan xk'is yan k'a roma ri numak; ri nubaqil kan maneq chik ruchuq'a' chuqa'.

Wuj Richin Bix Chire ri Dios 35:21

Xkijaq'aq'ila' k'a tze'en chuwij, y xkibij: Titzu', la xuben, kan rik'in runaq'-qawech xqatz'et, yecha'.

Wuj Richin Bix Chire ri Dios 68:2

Achi'el nutaluj-el-ri' ri sib, keri' nikitaluj-el-ki', achi'el niya'er-qa ri cera chuwech ri q'aq', keri' xkek'is-el ri banoy etzelal chuwech ri Dios.

Wuj Richin ri K'uxla'anik 3:46

Roma ri' konojel ri e etzelanel qichin nikijeq pa kichi' chiqij.

Dn 5:6

kan jari' k'a toq xjalatej-qa ri ruwech roma xibinri'il y xuchop nibaybot chijun ri ruch'akul, kan xk'is k'a ri ruchuq'a' y man xtikir ta chik xpa'e'.

Wuj Richin ri Nahum 2:10

Man jun chik k'o kan chupan; kan xk'is, kan xmalin y kan xok kan tz'iran. Kan janila xibinri'il k'o chiri'; konojel winaqi' yebaybot, y maneq chik kuchuq'a'. Y janila kikajman roma xibinri'il.

San Mateo 26:38

Jari' k'a toq rija' xubij chike ri e oxi' rutijoxela': Ri bis k'o pa wánima janila nim. Y yirukamisaj ninna' yin. Kixk'oje' pe wik'in, kixk'ase' y man kixwer-qa, xcha' chike.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

San Juan 12:27

Yin kan janila k'a niq'axo ri wánima wakami. Jak'a man ruk'amon ta chi ninbij chire ri nata' chi kirukolo' chuwech re q'axomal re' y xa kan roma ri' xinoqaqa, xcha'.

Wuj Richin ri Josúe 7:5

Ri aj-Ai xekikamisaj k'a pe e juba' ma e juwineq waqlajuj achi'a' chike ri e rijatzul kan ri Israel y xekitzeqelibej-pe ri ch'aqa' chik toq xe'el-pe chiri' chuchi' ri tinamit y xe'apon k'a akuchi ye'elesex-wi abej; y xech'akatej chupan ri xulan-bey y roma ri' ri e rijatzul kan ri Israel xmayamo-qa ri kánima.