Wuj Richin Bix Chire ri Dios 22:11 - Kaqchiquel Bible

¹¹ Roma ri' man kinaya' kan nuyon, roma ri e etzelanel wichin kan naqaj ek'o chuwe yin. Y kan man jun k'a ri achike ta xtito'on wichin.

Wuj Richin Bix Chire ri Dios 22:11 ပူးပေါင်းရင်းမြစ်များ

2 Rey 14:26

Y ri Jehová xutz'et k'a ri nimalej poqonal ri nuk'owisaj ri tinamit Israel, y chiri' kan man jun nikolon kichin, stape' jun samajel yuqul pa samaj o man samajel ta.

Wuj Richin Bix Chire ri Dios 10:1

Jehová, ¿achike k'a roma k'a nej atk'o-wi, y nawewaj-awi' toq k'o ruk'ayewal?

Wuj Richin Bix Chire ri Dios 35:22

Jehová, man kak'oje' kan chaq keri', roma rat kan xatz'et k'a re nikiben. Tabana' utzil man kinaya' kan, Jehová nu-Dios yin.

Wuj Richin Bix Chire ri Dios 38:21

Tabana' utzil, Jehová, man yinamalij kan. Nu-Dios yin, man yinaya' kan nuyon.

Wuj Richin Bix Chire ri Dios 69:18

Kajel k'a pe wik'in, y kinakolo'. Kinato' k'a chikiwech ri e etzelanel wichin.

Wuj Richin Bix Chire ri Dios 71:12

Nu-Dios yin, tabana' utzil man kinaya' kan nej chawe rat. Nu-Dios yin, chi'anin katanpe richin yinato'.

Wuj Richin Bix Chire ri Dios 71:6

Ja rat xato'on wichin toq k'a man jani kinalex, kan ja rat k'a xabanon richin chi yin xinalex. Roma ri' kan jantape' k'a xtinya' aq'ij.

Wuj Richin Bix Chire ri Dios 72:12

Rija' xtikolon kichin ri k'o nik'atzin chike, toq rije' xtikik'utuj to'onik, xkeruto' chuqa' ri e k'ayewatajineq y man jun nito'on kichin.

Wuj Richin ri Isaías 63:5

K'ulan k'a xitzu'un, jak'a man jun k'o richin xto'on wichin. Kan janila xinch'ob rij roma man jun xito'on ta juba'. Roma ri' nuyon yin xinch'ek ri oyowal, y ri woyowal xiruq'et.

San Mateo 26:56

Jak'a ronojel re nibanatej wakami, xa kan richin k'a chi nibanatej ri tz'ibatel kan chupan ri ruch'abel ri Dios koma ri xeq'alajirisan ruch'abel, xcha'. Y kan jari' k'a toq ri e rutijoxela' ri Jesús xkiya' kan ruyon y xe'animej.

San Mateo 26:72

Jak'a ri Pedro xa xrewaj chik k'a jun bey. Rija' xubij: Kan ninya' nutzij chuwech ri Dios; ninbij chi yin man wetaman ta ruwech la jun achin la', xcha'.

San Mateo 26:74

Kan jari' k'a ri Pedro xuchop nroyoj itzel pa ruwi-qa rija', y nuya' rutzij chuwech ri Dios chi rija' man nretaman ta ruwech ri Jesús. Y jari' k'a toq xbesik'in-pe jun mama'.

San Juan 16:32

Roma kan qitzij ninbij chiwe chi ri jun q'ij ri' kan napon yan k'a, chi rix xa xtitaluj-el-iwi' y xa xkiniya' kan nuyon. Jak'a man kan ta nuyon chuqa' yik'oje' kan, roma ri nata' kan k'o-wi wik'in.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.