Wuj Richin Bix Chire ri Dios 22:10 - Kaqchiquel Bible

¹⁰ Kan k'a man jani k'a yinalex, kan ja yan ri' in achajin chik. Kan ja yan toq ri nte' xyawej kan chuwij, ja yan ri' rat at nu-Dios.

Wuj Richin Bix Chire ri Dios 22:10 ပူးပေါင်းရင်းမြစ်များ

Gálatas 1:15

Xa kan k'a man jani kinalex,*f1* ja yan ri' xirucha' ri Dios, y rik'in ri rutzil xiroyoj.

Wuj Richin ri Jeremías 1:5

Toq k'a man jani katintz'uk rik'in ri ate'; yin kan wetaman chik awech. Kan k'a man jani k'a katalex, toq yin at nucha'on chik. Xatincha' richin naq'alajirisaj ri nuch'abel chikikojol konojel tzobaj winaqi' richin re ruwach'ulew, xcha'.

Wuj Richin ri Isaías 49:1

Ri israelita nikibij: Qojiwak'axaj k'a rix winaqi' ri ixk'o pa taq'aj ruwach'ulew, chuqa' rix ri ixk'o nej chire ri ruwach'ulew. Ri Jehová xojroyoj k'a ja toq man jani qojalex. Kan xunataj yan ri qabi' toq k'a man jani ojk'o.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

San Lucas 2:40

Ri ak'ual xuchop k'a ruk'iyinen, y xk'oje' chuqa' el ruchuq'a'. Rija' kan ninimer k'a el rik'in etamabel, y k'o ri rutzil ri Dios pa ruwi'.

San Lucas 2:52

Ri Jesús ruchapon ruk'iyinen, y kan keri' chuqa' ri etamabel ri k'o rik'in beneq pa jotol. Kan janila k'a jebel chuwech ri Dios, y janila k'a chuqa' jebel chikiwech ri winaqi'.